«Өбүгэ мындыра — имигэс талахха» талахтан оҥоруу күөн күрэһэ

«IIS-UUS, AS FEST» өрөспүүбүлүкэтээҕи этнографическай фестиваль чэрчитинэн бэс ыйын 11 күнүгэр «Өбүгэ мындыра — имигэс талахха» талахтан оҥоруу күөн күрэһэ буолан ааста.

Кыттааччылар үс чаас устата талахтан олоппоһу оҥордулар, ону таһынан оҕус уонна ынах оҥоһугу кыстылар.

Дьүүллүүр сүбэҕэ үлэлээтилэр: СӨ норуотун маастардара Петр Иванович Чярин, Дмитрий Николаевич Колодезников уонна «Симэх» национальнай киин уус-уран оҥоһуктары сайыннарар салаа салайааччыта Дмитрий Константинович Осипов.

Бастакы миэстэни ыллылар Чымнаайы нэһилиэгиттэн Прокопьев Андрей Георгиевич оҕотунаан Виталий Прокопьевтыын.

Иккис миэстэни ыллылар Чычымах нэһилиэгиттэн Васильев Николай Семенович үөрэнээччитинээн Алексеев Тимуурдуун

Үһүс миэстэҕэ таҕыстылар Кыйы нэһилиэгиттэн Сабарайкин Василий Васильевич үөрэнээччитинээн Турнин Юралыын

Төрдүс миэстэҕэ Платонов Сергей Иванович, үөрэнээччитэ Гаврильев Айасхаанныын.

Бу ыһыах сүрүн сыала-соруга кэнчээри ыччакка культурнай-историческай нэһилиэстибэни хаалларыы, саха норуота илдьэ сылдьар традициятын киэҥ эйгэҕэ тарҕатыы, саҥа талааннары арыйыы, маастардар таһымнарын үрдэтии, саҥа-сонун креативнай идеялары арыйыы, Нуучча георграфическай уопсастыбатын үлэтин-хамнаһын сырдатыы, пропагандалааһын.

32

Добавить комментарий

Ваш адрес email не будет опубликован.