«Арчы Дьиэтэ» 20 сылынан итии-истин эҕэрдэ!
Убаастабыллаах Лариса Константиновна уонна «Арчы Дьиэтин» үлэһиттэрэ!
«Симэх» норуот искусстватын уонна уус-уран оҥоһуктарын Национальнай киин аатыттан «Арчы Дьиэтэ» 20 сылын бэлиэтиир үөрүү үктэллээх үбүлүөйгүтүнэн итиитик-истинник эҕэрдэлиибит!
Айыы аймаҕын кутун-сүрүн көччүтэн, сырдыгы-кэрэни кэрэһэлээн, бар дьоҥҥутун, саха аймаҕын үтүөҕэ-кэрэҕэ угуйан үлэлии-хамсыы сылдьаҕыт. Иннигитигэр саҥа саҕахтар, үрдүк кирбиилэр угуйа-ыҥыра турдуннар!
Үүнэр-үллэр үйэҕэ айар-тутар талааҥҥыт, кэрэ эйгэҕит Айыы аймfҕын, күн үтүө дьоҥҥутун тоҥ бэйэлэрин тобула, ил бэйэлэрин ириэрэ туруҥ!
Бүгүҥҥү үөрүүлээх күҥҥүтүнэн эһиэхэ баҕарар баҕа санаабыт барыта туолуохтун, олоххо киириэхтин!
Чэгиэн-чэбдик олохтонуҥ, күрсүө-сэмэй доҕоттордонуҥ!
Дьоллоох олох аргыстаныҥ, айар үлэ ситиһиилэниҥ, үгүс үөрүүлээх күннэниҥ!
