«Айар талаан биһигэ-Эңсиэли Хочото»

Муус устар 11 күнүгэр Дьокуускай куоракка Өксөкүлээх Өлөксөй аатынан Норуоттар до5ордоһууларын дьиэтин “Симэх1” норуот искусствотын Национальнай киинин галереятыгар, Нам улууһун күннэрин чэрчитинэн ыытыллар төрөөбүт төрүт түөлбэбит, Наммыт улууһун удьуор мандар уустарын уонна уран тарбахтаахтарын маастардарын үлэлэринэн «Айар талаан биһигэ-Эңсиэли Хочото» быыстапка арылынна.

Кэрэ эйгэни төрүттүүр, үтүө эйгэни үйэтитэр, айар-тутар дьо5урдаах, оһуорунан ойуулуур, дьүһүнүнэн дьүһүйэр мандар уустар түмсэр төрүөттээх түһүлгэлэрэ буолла. Талааннаах дьоммут иитэр-үөрэтэр араас ньыманы туһанан, уйул5аларын уратытын учуоттаан, ис кыахтарын ураннык уһугуннаран, сатабыллаахтык арыйан, дьо5урдарын-талааннарын талбыт хайысхаларыгар оңорон таһаарар үтүөкэн үөрүйэхтээхтэр.

Прикладной искусство үгүс көрүңнэригэр: тимири, маһы чочуйууга, саха таңаһын, туоһу тигиигэ, кылтан, талахтан өрүүгэ онтон да араас дьарыктарга саталлаах илиилэрин иһиттэн тахсыбыт аптаах үлэлэрэ түмүллэ, үксүү, элбии тураллар. Манна Нам улууһугар олорор, үлэлии-хамсыы сылдьар тарбахтарыгар талааннаах маастардарбыт дьон-сэргэ дьүүлүгэр айымньылаах үлэлэрин бииргэ түмэн быыстапкалаан бэлэх ууннулар. Ол курдук, Нам улууһугар биллэр-көстөр суолу хаалларардыы үлэлии-хамсыы сылдьар норуот маастардара: Зинаида Дмитриевна Понохова, Мария Петровна Рехлясова, Мария Петровна Сыромятникова, Мария Михайловна Дьяконова, Татьяна Алексеевна Карамзина, Саха Республикатын уус-уран оңоһугун маастардара, Варвара Дмитриевна Баишева, Валентин Титович, Тамара Галиновна Васильевтар Рустам Леонидович Федоров, Лариса Ефимовна Тавакалова. Ону тэңэ Нам нэһилиэгин, Хама5атта, 1-Хомустаах, Хатын-Арыы, Бөтүң, Модут, Хатырык, Түбэ нэһилиэгиттэн уопсайа 30 тахса уран тарбахтаах маастардара туруордулар.

Нам улууһа муниципальнай тэриллии баһылыгын эбээһинэһин толорооччу Ефим Ефимович Гоголев, Өксөкүлээх Өлөксөй аатынан Норуоттар до5ордоһууларын дьиэтин, “Симэх” норуот искусствотын Национальнай киинин директорын бастакы солбуйааччыта Розалия Ефимовна Колосова, Нам улууһа муниципальнай тэриллии культура5а уонна духуобунай сайдыыга управлениетын начальнига Елена Александровна Заровняева э5эрдэ тыл эттилэр. Быыстапка кыттыылаахтарын тус олохторун үтүө холобура, баай билиилэрэ-көрүүлэрэ, үтүмэн ситиһиилэрэ эдэр көлүөнэ5э үйэлээх эркээйи буолан, кэскиллээх суолга мэлдьи ыңыра, угуйа туруохтара диэн эрэнэбит. Түгэнинэн туһанан дириң махталбытын тиэрдэбит Өксөкүлээх Өлөксөй аатынан Норуоттар до5ордоһууларын дьиэтин генеральнай директорыгар Яна Викторовна Игнатьева5а, “Симэх” норуот искусствотын Национальнай киинин директорыгар Александр Николаевич Гоголевка, “Симэх” выставочнай салаатын сэбиэдиссэйигэр Радомира Дмитриевна Баишева5а, Симэх Национальнай Киин улэьитигэр, Нам улууһун кураторыгар Дмитрий Константинович Осиповка.

Мотрена Анатольевна Платонова Нам улууьун культура уонна духуобунас сайдыытын специалиьа

195
Примечания:Описание
1СимэхВ 1992 году при Центре культуры и искусства им А.Е. Кулаковского создаётся галерея «Симэх» в целях популяризации работ мастеров, возрождения традиций народных ремёсел.
CreativeMinds WordPress Plugin CM Footnotes

Добавить комментарий

Ваш e-mail не будет опубликован. Обязательные поля помечены *