«Өбүгэм үгэһин үйэтитэн» Николай Никитин — Айтал айар киэһэтэ

 

Муус устар 13 күнүгэр Покровскай куорат «Саргы түһүлгэтэ» культура киинигэр «Өбүгэм үгэһин үйэтитэн» Николай Никитин — Айтал айар киэһэтэ буолан ааста. Николай Ильич Саха Республикатын култууратын туйгуна, Саха Республикатын уонна Хаҥалас улууһун норуотун маастара, Россия худуоһунньуктарын айар Союзтарын чилиэнэ, хас да төгүллээх Республика, Россия, Аан Дойду, Евразия курдук үрдүк таһымнаах быыстапкалар кыттыылаахтара, көрүү – күрэхтэрин дипломаннара, лауреаттара, ураты айылҕаттан айдарыылаах, талааннаах биир дойдулаахпыт.

 

 

«Өбүгэм үгэһин үйэтитэн» айар киэһэтин 45 сааһын бэлиэтиир, култуура эйгэтигэр үлэлээбитэ 25 сыла туолуутугар, саха төрүт ииһинэн дьарыктаммыта 10 сылын бэлиэтиир үөрүүлээх түгэннэригэр анаата. Бу күн олоҕун биир сүрүн дьарыгынан буолбут кыбытыктаах тигии, төрүт иис, саха эр киһитин үгэскэ олоҕуран тигиллибит таҥаһын моделларын киэҥ дьүүлгэ көрдөрөн, кыбытыылаах тигии кистэлэҥин үллэстибит үөрэнээччилэрин быыстапкаларын туруорда.

 

Кини биһиги республикабытыгар эр дьоннортон бастакынан иис үлэтин киэҥ араҥаһаҕа таһаарбыт, иистэнньэҥ мындыр үлэтин толору баhылаабыт киһинэн буолар. Николай Ильич айар суолга үктэнэн аар-саарга аатырарыгар улахан күүс-көмө, өйөбүл буолбут дьоннордоох. Ол курдук бу дьоро күн маастары эҕэрдэлии кэллилэр Өксөкүлээх Өлөксөй аатынан норуоттар доҕордоһууларын дьиэтин генеральнай директора, СР, РФ култууратын үтүөлээх үлэһитэ Яна Игнатьева, «Симэх1» норуот искусствотын уонна уус–уран оҥоһуктарын оҥоһуктарын Национальнай киинин үлэһиттэрэ Радомира Баишева, Азияна Харлампьева. Кыбытыылаах иискэ үөрэппит уһуйааччыта норуот маастара Татьяна Николаевна Шишигина.

 

 

Истиҥ эҕэрдэлэрин тиэртилэр Хаҥалас улууһун культураҕа уонна духуобунай сайдыы салалтатын аатыттан С.М.Потапова, биир дойдулаахтара, бииргэ төрөөбүттэрэ, үөрэммит оҕолоро, үөлэннээхтэрэ, I Малдьаҕар нэһилиэгин баһылыгын солбуйааччыта Л.Г.Алексеева, улуус депутата, С.П. Ефремов аатынан орто оскуола директора А.П.Тимофеев, V Малдьаҕар нэһилиэгин баһылыгын солбуйааччыта Л.Г.Самсонова.

 

 

Булгунньахтаахтан “Истин ырыа” этно-бөлөх (сал.Т.Петрова), Эргис Давыдов, Анна Давыдова, “Дархан сахалар” ырыа бөлөҕө (сал.Н.Федорова), “Талба” ансаамбыл (Нөмүгү нэһилиэгэ)  Ыҥырыылаах ыалдьыт буолан ылбаҕай ырыаларын анаатылар саха эстрадатын ырыаһыттара: Саарын, Надина Эльпис, Владимир Боярскай, Тайыына.

 

Айтал бэриллибит айар талаанын суола салҕанан, уһуйуллубут үөрэҕиҥ утумнанан, үлэлээн кэлбит үлэн, өрүү сыаналана турарыгар баҕарабыт.

 

Хаҥалас улууһун Арчы Дьиэтин методиһа Надежда Степанова

 

 

 

 

 

 

 

 

 

 

 

 

285
Примечания:Описание
1СимэхВ 1992 году при Центре культуры и искусства им А.Е. Кулаковского создаётся галерея «Симэх» в целях популяризации работ мастеров, возрождения традиций народных ремёсел.

Добавить комментарий

Ваш e-mail не будет опубликован. Обязательные поля помечены *