Боотур уус сиригэр Үрүҥ Бас Болтоҥо удьуордарын уйгу тунах ыһыаҕар «Симэх» үлэһиттэрэ ыалдьыттаатылар

Боотур уус сиригэр Тыгын сиэнэ Үрүҥ Бас Болтоҥо удьуордарын уйгу тунах ыһыахтарыгар ыалдьыттаатыбыт. Болтоҥолор быйылгы ыһыахтарын үс суруйааччыларыгар анаатылар. Ол курдук, быйыл Пушкин «Евгений Онегин» хоһоонунан романын сахалыы саҥардыбыт сүҥкэн үтүөлээх фронтовик-поэт Гавриил Иванович Макаров-Дьуон Дьаҥылы төрөөбүтэ 105, саха киинэтин аар-саарга аатырдыбыт «Тойон кыыл» үөскүүрүгэр төрүөт буолбут «Тэҥҥэ кырдьыбыт тэҥкэ тиитим» сэһэн ааптара, бөдөҥ прозаик Василий Васильевич Яковлев төрөөбүтэ 85 сылларын уонна Хотугу муустаах байҕал олохтоохторун уус-уран айымньыга үйэтиппит прозаик, Омар Хайямы сахалыы саҥардыбыт тылбаасчыт, саха литературатын историга, народнай суруйааччы Семен Андреевич Попов-Сэмэн Тумат 75 сааһын биир дойдулаахтара баһылык Варвара Макарова көҕүлээһинэн киэн тутта, үөрэ-көтө бэлиэтээтилэр.

«Симэх1» национальнай киин исписэлииһэ Виктор Игнатьев тиийэн биир дойдулаахтарын сайыны уруйдуур Үрүҥ тунах ыһыаҕын алгыстаан дьон сэргэ астыннылар. Оттон Виктор аҕата Виктор Викторович Игнатьев олохтоох уустардыын Аар баҕах комплекс тутуугар үлэлэһэн Болтоҥолор ыһыахтыыр сирдэригэр саҥа сэргэлэр дьэндьэйдилэр.

Саха сирин Суруйааччыларын сойууһун бырабылыанньата уонна «Чолбон» уус-уран литература сурунаалын редакцията эдэр поэт Гаврил Андросов, прозаик Аграфена Кузьмина бу үбүлүөйдээх ыһыахха ыалдьыттаан аҕа көлүөнэ суруйааччылар Дьуон Дьаҥылы, Василий Яковлев сырдык ааттарыгар сүгүрүйдүлэр уонна бырабылыанньа, редколлегия чилиэннэрэ Сэмэн Тумакка ытыктабылларын биллэрдилэр, болтоҥолор үөрүүлэрин тэҥҥэ үллэстэн, алгыс түһэристибит, ас үрдүн охторустубут.

71
Примечания:Описание
1СимэхВ 1992 году при Центре культуры и искусства им А.Е. Кулаковского создаётся галерея «Симэх» в целях популяризации работ мастеров, возрождения традиций народных ремёсел.

Добавить комментарий

Ваш e-mail не будет опубликован. Обязательные поля помечены *