“IIS-UUS, AS FEST” үөрүүлээх арыллыыта!

Бэс ыйын 11 күнүгэр таалар налыы хонуулаах, талыы талба Таатта ытык Чөркөөх сиригэр-уотугар I өрөспүүбүлүкэтээҕи этнографическай фестиваль үөрүүлээх быһыыга майгыга арылынна.

Фестиваль кыттыылаахтарын Таатта улууһун Аҕа баһылыга Михаил Михайлович Соров эҕэрдэлээтэ, ону таһынан СӨ култуура уонна духуобунай сайдыы министрын бастакы солбуйааччы Владислав Валерьевич Левочкин, Анаабыр уонна Сунтаар улууһун бэрэстэбиитэллэрэ кыттыыны ыллылар. Үөрүүлээх арыллыы алгыс сиэриттэн-туомуттан саҕаланна.

«Симэх» национальнай киин уус-уран оҥоһуктары сайыннарар отделын салайааччыта Дмитрий Осипов Саха норуотун үйэлээх үгэстэрин, өбүгэлэрбититтэн утумнаммыт уһаныыны, тимири уһаарыыны, туоһунан истэниини сөргүтүүгэ, тарҕатыыга уонна сайыннарыыга киллэрбит өр сыллаах айымньылаах үлэлэрин иһин Саха Өрөспүүбүлүкэтин уһаныыга уонна уус-уран оҥоһуктарын Палататын 2022 сыл бэс ыйын 8 күнүнээҕи 4 № -дээх быһаарыытынан “Саха өрөспүүбүлүкэтин уус-уран оҥоһуктарга маастара” үрдүк ааты уонна бэлиэни
Бурнашова Парасковья Петровнаҕа, Неустроева Светлана Софроновнаҕа, Васильев Леонид Степановичка, Малышева Матрена Михайловнаҕа, Табунанов Иван Ивановичка туттарда.

183

Добавить комментарий

Ваш адрес email не будет опубликован.