Оһуордаах бичик

Алтынньы 2 күнүгэр Мэнэ-Ханалас улууhугар Майа сэлиэнньэтигэр Р.Г. Васильев аатынан улуустааҕы кыраайы үөрэтэр музейга Саха Өрөспүүбүлүкэтин норуотун маастара Бубякина Анастасия Ивановна айар үлэтин уонна үбүлүөйдээх сааһын бэлиэтиир үөрүүлээх түгэнэ буолан ааста.

Айар үлэтин кэрэһэлиир “Оһуордаах бичик” быыстапкатыгар автор араас көрүҥҥэ оҥорбут үлэлэрэ дьон сэҥээриитин ылыан ылла. Ол курдук саха угэс буолбут тигиитигэр, таҥас кырадаһыннарыттан, саха таҥнар таҥаһын, ат симэҕин тигии; туостан оҥоһуктар; оҕуруонан тиһии, быысапка көрүҥнэрэ хото туруорулунна.

Анастасия Ивановна бэйэтин иискэ талаанын дьоҥҥо – сэргэ5э киэҥник тарҕатар саха төрүт ииһин пропагандиһынан буолар. Кини идэтинэн учуутал. Майа орто оскуолатыгар өр кэмҥэ төрүт култуура предметыгар үгүс оҕону иискэ уһуйбута. Кэлин аҕам саастаах дьону иискэ сыһыарбыта.

Кини үлэлэрэ аҥардас улуус, өрөспүүбүлүкэ таһымыгар эрэ буолбакка Аан Дойду таһымыгар таҕыста, ол курдук 2013 сыллаахха Венгрияҕа буолбут Аан Додутааҕы 13 төгүлүн ыытыллыбыт «Балатон. Искусства. Молодость. ” диэн ааттаах фестивальга кыттан Кылаан бириис хаһаайката буолбута, Иваново куоракка ыытыллыбыт “Лоскутная мозаика России” быыстапка дипломана уо.д.а. араас таһымнаах күрэстэр кыайыылаахтара.

Анастасия Ивановна меценат быһыытынан төрөөбүт улууһун музейыгар, үлэлээбит оскуолатын кабинетыгар, этнографическай материаллары бэлэх ууммута.
Үөрүүлээх тэрээһиҥҥэ Анастасия Ивановна талааныгар сүгүрүйэ, махтана, биир дойдулаахтара кэлэн эҕэрдэ тыллары эттилэр, баҕа санаа бастыҥын анаатылар.
Төрөөбүт улууһун салалтата юбилярга айар үлэтин үрдүктүк сыаналаан Мэҥэ Хаҥалас култууратыгар киллэрбит кылаатын иһин өйдөбүнньүк бэлиэ уонна Мэҥэ Хаҥалас уустарын ассоцияциятыттан «Дархан уус» үрдүк аат иҥэрилиннэ, туоһулуур бэлиэ туттарылынна.

Р.Г. Васильев аатынан улустаа5ы кыраайы үөрэтэр музей коллектива

233

Добавить комментарий

Ваш e-mail не будет опубликован. Обязательные поля помечены *