Саха Өрөспүүбүлүкэтигэр чороон оҥорооччуларын Союһа тэрилиннэ
Чороон – саха норуотун төрүт үгэһэ, аһаан кэлбит иһитэ. Өбүгэлэрбитин кытта ыкса сибээстиир иһит буолар. Билигин мас чороонунан, иһитинэн саха норуотун улахан тэрээһиннэрэ, ыһыахтар ыытыллаллар.
Дьокуускай куоракка “Симэх” национальнай киин тэрийиитинэн республикага чороону, мас иһиттэри оҥорор маастардар түмүстүлэр. Чурапчы, Уус-Алдан, Сунтаар, Үөһээ Бүлүү, Дьокуускай куораттан 17 уус, норуот маастардара кыттыыны ыллылар.
Маастардар, уустар бэйэлэрин үлэлэрин-хамнастарын туһунан кэпсэтэн, салгыы сайдарга ханнык ыарахаттар баалларын быһаарыстылар.
Чороон оҥорооччулар уопсай мунньахтарын быһаарыытынан 2022 сыл кулун тутар 29 күнүгэр Саха Өрөспүүбүлүкэтин чороон оҥорооччуларын Союһа тэрилиннэ. Салайааччынан Осипов Дмитрий Константинович, солбуйааччынан Петров Сергей Соломонович, толорооччу директорынан Лопатин Афанасий Петрович талылыннылар.
Аһаҕас куоластааһын түмүгүнэн Правление састаабыгар талылыннылар:
1. Попов Василий Васильевич — Ем. Ярославскай аатынан холбоһуктаах государственнай музей археологияҕа уонна этнографияҕа салаатын салайааччыта
2. Гоголев Александр Николаевич — Сатал, Саха өрөспүүбүлүкэтин искусствотын үтүөлээх деятелэ, Саха өрөспүүбүлүкэтин народнай худуоһунньуга
3. Попова Софья Трофимовна — «Чороон ХХI үйэ» хампаанньа салайааччыта
4. Осипов Дмитрий Константинович — Симэх» национальнай киин норуот уус-уран оноһуктарын сайдыытын салаатын салайааччыта
5. Петров Сергей Соломонович — чороон оҥорооччу
6. Протопопов Василий Егорович — Ем. Ярославскай аатынан государственнай музей реставратора
7. Ермолаев Ариан Арианович — П. Романов аатынан Дьокуускайдааҕы художественнай училище уус-уран салайааччыта, СР дизайнердарын союһун чилиэнэ
8. Лопатин Афанасий Петрович — чороону чинчийээччи, оҥорооччу, Саха өрөспүүбүлүкэтин норуотун маастара
9. Егоров Владимир Прокопьевич — Саха өрөспүүбүлүкэтин норуотун маастара
Түмсүү (Сойуус) бэйэтэ устааптаах, балаһыанньалаах буолара этилиннэ. Мас иһити оҥорооччулар кэпсэтэн, астынан тарҕастылар.
Инникитин айар үлэлэригэр ситиһиини, доруобуйаны баҕарыаҕын.
Екатерина Иванова, норуот уус-уран оноһуктарын сайдыытын салаатын методиһа, Сойуус сэкэрэтээрэ.
