Сунтаарга «Олоҥхо дойдутун уран уустарын түһүлгэтэ»⁣⁣

Ыраахтан-чугастан ыалдьыттардаах икки күннээх тарбаҕар талааннаахтар киэҥ түһүлгэлэрэ тэрилиннэ. Манна саха төрүт үгэһин сөргүтүүгэ араас хайысхалаах үөрэхтэр тэриллэллэр, уустар, маастардар үлэлэрин быыстапката турар. Бу икки күн маһынан, тимиринэн уһаныыга, иистэнньэҥнэр, көмүс уустара уонна шарнирнай куукула оҥорооччулар тус-туспа былаһааккаларга маастар-кылаастары ыыталлар.
⁣⁣
Бу киэҥ далааһыннаах тэрээһин үөрүүлээх аһыллыытыгар улуус баһылыга Анатолий Григорьев «СӨ норуотун маастара”⠀анал бэлиэлээх ааты Тамара Афанасьеваҕа туттарда, маны тэҥэ үрдүк ааты ыллылар “СӨ уус-уран оҥоһуктарга маастара”- Саргылана Прокопьева, “Сунтаар улууһун норуотун маастара” — Ньургустаана Иванова, Елизавета Федорова — «Сунтаар улууһун норуотун маастара”, «Сунтаар улууһун култууратын сайдыытыгар⠀киллэрбит кылаатын иһин” бэлиэни СӨ уонна Сунтаар улууһугар төрүт үгэстэри оннунан хаалларыыга, сайыннарыыга үлэлии сылдьар Сунтаар уустарын кураторыгар⠀Саргылаана Конобуловаҕа туттарда. “Кылаан” түмсүү уустара баһылыгы кытта ыалдьыттарга хомустаан иһитиннэрдилэр. Түмсүү уустара Анатолий Васильевичка бэйэлэрэ чочуйан оҥорбут бэлэхтэрин ууннулар.Бу үөрүүлээх күн Сунтаар улууһун Култууратын уонна Айылгытын салайааччыта Мария Кобельянова «Сунтаар улууһун уус-уран оҥоһуктарга маастара» анал аат бэлиэтин Андрей Ивановка, Анна Ивановаҕа, Егор Тартаковка, Михаил Никитиҥҥа туттарда. Мария Васильевнаҕа СӨ норуотун маастара Тамара Афанасьева алтантан харысхал симэх1 оҥоһугун туттардылар.⁣⁣

Кэрэни кэрэхсиир Сунтаар дьоно маастар-кылаастарга сылдьан саҥа дьарыкка холонон көрөллөр.⁣⁣
⁣⁣
Сунтаардаа5ы политехнисескай лицей-интернат» «Сатабыл» мастерскойугар Иванова Диана Вячеславовна «керамика» спецкурсугар 52 оҕо дьарыктанар. Манна бу уран уустар тэрээһиннэригэр анаан сүрдээх интэриэһинэй маастар-кылаас буолан ааста.

Күндү ыалдьытынан Кололодезников Дмитрий Николаевич «Симэх» национальнай киин специалиһа керамист, Саха Өрөспүүблүкэтин уус-уран оҥоһуктарын маастара кэлэн ыалдьыттаата. Маастар сатабыллаах илиитинэн өбүгэлэрбит тутта сылдьыбыт ньымаларын туттан сүрдээх түргэнник күөс сиэр-туом иһитин оҥорон көрдөрдө.

Директор Сосин Олег Константинович көрүүлээх майгыга махтал суругу туттарда. Ыалдьыттар, о5олор умсугуйан Туран үлэлээтилэр, элбэх сүбэни ыллылар, инники үлэбитигэр туһалаах ньымалары иҥэриннилэр. ⁣⁣⠀Дмитрий Колодезников туой чороонун Аҕа баһылыкка туттарда.

97
Примечания:Описание
1СимэхВ 1992 году при Центре культуры и искусства им А.Е. Кулаковского создаётся галерея «Симэх» в целях популяризации работ мастеров, возрождения традиций народных ремёсел.

Добавить комментарий

Ваш адрес email не будет опубликован. Обязательные поля помечены *

snowflake snowflake snowflake snowflake snowflake snowflake snowflake snowflake snowflake snowflakeWordpress snowstorm powered by nksnow