Төрөөбүт тыл сурук-бичик

Олунньу 11 күнүгэр Дьокуускай куорат 1-гы №-дээх орто оскуолатын ыҥырыытынан «Симэх» норуот искусствотын уонна уус-уран оҥоһуктарын Национальнай Киинин уус-уран оҥоһуктары сайыннарар салаатын салайааччыта Дмитрий Осипов «Төрөөбүт тыл сурук-бичик» күнүгэр аналлаах Дьокуускай куорат 1-гы №-дээх орто оскуолатын алын сүhүѳх кылаастарын учууталларын көҕүлээhиннэринэн ыытыллыбыт куорат оскуолаларын икки ардыларыгар ыытыллыбыт «Аман ѳс» күрэҕин дьүүллүүр сүбэтигэр үлэлээтэ.

Бу тэрээһин оҕо төрөөбүт тылынан саныыр санаатын, тугу билбитин-көрбүтүн сааһылаан кэпсиир үөрүйэҕин сайыннарарга, тылы дириҥник билэригэр, табатык, өйдөнүмтүөтүк таска саҥарыы үөрүйэхтэрин иҥэринэригэр туhаайан Дьоккуускай куорат оскуолаларын сахалыы 3 уонна 4 кылаастарын үөрэнээччилэрин икки ардыгар тохсус сылын ыытылынна.

Барыта 10 оскуолаттан 16 оҕо күөн көрүстүлэр: 1,17, 26, 27, 29,31, 38 №-дээх орто оскуолалар, ЯГНГ, «Айыы кыhата», Саха гимназияттан, СПЛ кыттыыны ыллылар.

Санааны сайа этии үс түhүмэҕинэн барда:

I түhүмэх – эрдэттэн бэриллибит «төрөөбүт төрүт тылым» тиэмэҕэ санааны сааһылаан этии
II түhүмэх – эрдэттэн бэриллибит
«Дойдуга бэриниилээх буолуу диэн тугуй?»
«Үлэ киһини киэргэтэр»
«Аҕам-дурдам-хаххам»
тиэмэлэртэн талан ылан санааны сахалыы сайа этии
III түhүмэх – соhуччу бэриллибит тиэмэҕэ тутатына санааны этии.

Оҕолор төрөөбүт тылларынан уустаан–ураннаан кэпсиир, тыл этии ис хоhоонун бэйэ толкуйунан, ѳйдөрүнэн – санааларынан этэр дьоҕурдара биhирэннэ.

Туймаада хочотун оскуолаларын сахалыы кылаастарын үөрэнээччилэрин икки ардыгар ыытыллар «Аман өс» күрэх түмүгэ:

3 кылаастар

Муҥутуур кыайыылаах — Федотов Марк, Саха гимназията 3 в кылаас
2 миэстэ — Григорьева Вика, СПЛ 3 г кылаас
3 миэстэ — Скрябин Айдаар, Дьокуускай куорат 31№ нүөмэрдээх орто оскуолатын 3 «а» кылааһын үөрэнээччитэ

Анал ааттарынан бэлиэтэннилэр:

«Дорҕоонноох этээччи» — Дьячковская Амелия, Дьокуускай куорат 1 № нүөмэрдээх орто оскуолатын 3 «б» кылааһын үөрэнээччитэ
«Төрөөбүт тылга дьулуур» — Никитина Мичийээнэ, Дьоккуускай куорат национальнай гимназия 3 «б» кылааһын үөрэнээччитэ
«Кэскиллээх этээччи» — Александрова Валерия, «Айыы кыһата» национальнай гимназия 3 «б» кылааһын үөрэнээччитэ
Саҥа аат — Максимов Эрик, Дьокуускай куорат 17 № орто оскуолатын 3 «б» кылааһын үөрэнээччитэ

4 кылаастар

«Муҥутуур кыайыылаах» — Васильева Алеся, Дьокуускай куорат 38 № орто оскуолатын 4 «а» кылааһын үөрэнээччитэ
2 миэстэ — Саввинов Сайдам, Саха гимназиятын 4 «в» кылааһын үөрэнээччитэ
3 миэстэ — Тарасова Кира, Дьокуускай куорат 1 № орто оскуолатын 4 «б» кылааһын үөрэнээччитэ

Анал ааттар иҥэрилиннилэр:

«Алгыстаах этээччи» — Дьяконов Дуолан, Айыы Кыһата.
«Итэҕэтиилээх тыл-өс» — Кычкин Олег, Дьокуускай куорат 31 № орто оскуолата
«Төрөөбүт тылга дьулуур» — Егоров Сайаан, Дьокуускай куорат 27 № дээх орто оскуолата
«Кэскиллээх этээччи» — Туди Сайа , Дьокуускай куорат 26 № орто оскуолата
«Уран тыл-өс» -Баишева Айаана, Дьокуускай куорат 26 № орто оскуолата
«Саҥа аат» — Джунько Коля, Дьокуускай куорат 17 № орто оскуолата

Дьүүллүүр сүбэ тыл этээччилэр туттан -хаптан туралларын, тыл этии тэтимин, куолас эгэлгэтэтин, киэҥ эйгэҕэ саҥарар үөрүйэхтэрин, санааларын толору этэллэрин учуоттаатылар.

Айгыр-силик,
Нарын талба
Сахам тыла туругурдун!
Ийэ тылы өрө тутун
Эҕэрдэлээх алгыс буоллун
Күнү кытта тэбис-тэҥҥэ
Үүнүн-сайдын чэчирээн!
Туругурдун ийэ тылбыт
Алҕыыр-силиир,
Эрчим эбэр, күүһү биэрэр
Төрүт тылбыт барахсан!

Дмитрий Осипов