Төрүт утум абылаҥа

Муус устар 16 күнүгэр күнүс 14.00 чаастан Тулагы-Киллэм нэһилиэгин М.П. Обутова-Эверстова аатынан култуура киинигэр Арассыыйа норуоттарын култуурунай нэһилиэстибэтин, Саха сирин автономиятын 100 уонна өрөспүүбүлүкэбит үрдүнэн биллэриллибит Ийэ сылларыгар анаммыт “Төрүт утум абылаҥа” быыстапкаҕа кэлбит ыалдьыттары боҕуруоскай от дыргыл сытынан, хомус хомоҕой тыаһынан Тулагы орто оскуолатын 5 А (кыл.сал. Т.С. Кузьмина) уонна 6 Б (кыл.сал. Л.Г. Дьячковская) кылаастар үөрэнээччилэрэ уруйдуу-айхаллыы көрсүбүттэрэ дьон сүргэтин көтөхтө.

Иистэнэр идэлээх, уһанар дьоҕурдаах, уран тарбахтаах, ураты талааннаах дьоннору түмпүт быыстапкабыт үөрүүлээх арыллыыта — сүрэҕи уоскутар Далаана т.у.м “Кэрэ Куо” ырыатынан Сардана Тирютина толоруутугар доҕуһуолланан уран тарбахтаах иистэнньэҥ П.И.Кочнев аатынан Тулагы орто оскуолатын алын сүһүөх кылаастар учууталлара Кузьмина Матрена Ивановна — дьахтар мааныга кэтэр таҥастарын уонна сааскы соннорун көрдөрүүтүнэн саҕаланна.

Бууктаах соннор, халадаай ырбаахылар, дьабака бэргэһэлэр, тирэҥсэ этэрбэстэр, субурҕа оҕуруолаах кычым, чаппараах киэргэллэр – Далбар Хотун талаанын үйэтитэн умнуллубат оҥороллор. Лидия Атласова “Сахам дьахтара” нарын ырыатыгар уйдаран истэ-көрө сэргээтибит — Александра Егоровна Макарова ыһыахха кэтиллэр Елена Михайловна уонна Константин Константинович Готовцевтар дьиэ кэргэттэригэр анаан тикпит комплектарын.

Киһи аймах тыйыс айылҕаны уйан тыыннаах сылдьарыгар таҥаһа-саба дьүөрэлэһиэх тустаах. Сахалар былыр-былыргыттан үлэҕэ-хамнаска, дьиэҕэ-уокка олус табыгастаах таҥаһы тиктэллэрэ, билигин да тиктэллэрин Александра Павловна Софронеева аныгылыы эдэр ыччат кэтэр таҥастарын коллекциятыгар көрдөрдө. Григорий Васильев Сырдыкчаана ырыатыгар доҕуһуолланан Тулагы орто оскуолатын 6 Б уонна 8 Б кылааһын үөрэнээччилэрэ сэгэччи туттаннар олус кэрэтик көрдөрдүлэр.

Ханнык баҕарар норуот таҥнар таҥаһа кини олорор эйгэтин, культуратын уонна итэҕэлин көрдөрөр. Өбүгэлэрбит сахалар кэтэ сылдьыбыт төрүт (традиционнай) таҥастара материальнай культурабыт сорҕото буолар уонна итэҕэлбитин, биһиги тулалыыр айылҕаны, кини көстүбэт күүстэрин кытта быстыспат ситимнээхпитин туоһулуур. Рустам Хон салайааччылаах “Кэрэли” ырыа бөлөҕүн толоруутугар “Ыллык суол” ырыатынан арыалланан сахалыы бууктаах сону уонна Алексеева Наталья Климентьевна дьиэ кэргэнигэр анаан тикпит көстүүмнэрэ дьон дьүүлүгэр таҕыстылар.

Саҥа саҕалааһыммытын өйөөн «Симэх» норуот ускуустубатын уонна уус-уран оҥоһуктарын национальнай киинин быыстабачнай салаатын салайааччыта, Августина Филиппова творческай пуондатын чилиэнэ, творческай лабораториятын маастара Анна Константиновна Капустина үүннээх-тэһииннээх үтүө тылын быыстапкаҕа кыттааччылар уонна олохтоохтор дохсун ытыс тыаһынан уруйдуу көрүстүлэр.

Саханы саха оҥорбут үтүө үгэстэри сайыннарар, төрүт култуураны барҕарыы кирбиитигэр таһаарар, умнуллубуту тилиннэрэр, кэскиллээҕи кэҥэтэр, үйэлээҕи үксэтэр туһугар ураты талааннарын, сэдэх дьоҕурдарын, сындалыйбат сыраларын дьон сэргэ дьүүлүгэр таһаарбыт талба талааннаахтарбытыгар анаан эҕэрдэтин тириэртэ М.П. Обутова-Эверстова аатынан култуура киинин салайааччыта Максим Игнатьев.

Дьон-сэргэ болҕомтотун тарпыт бастакы боччумнаах тэрээһиммитинэн бэйэтин айбыт хоһоонун утары уунан эҕэрдэлээтэ сыана бэтэрээнэ Галина Николаевна Сидорова.

Сонун саҕалааһыммытын көҕүлээбит, дьоҥҥо-сэргэҕэ тахсарын туһугар үтүө санаатын, үгүс сыратын уурбут, нэһилиэк уран тарбахтаахтарын бииргэ түмэр “Иэйии” кулууп салайааччытыгар Светлана Семеновна Захароваҕа муҥура суох махталбытын аныыбыт. Эдэр, сэргэх, атын көрүүлээх-истиилээх култуурабыт киинин туруорааччы худуоһунньуга Руслана Руслановна Андреева үрдүк таһаарылаах сонун бырайыактары инникитин да оҥоруо диэн бүк эрэнэбит.

Кыыттыыны ылбыт уран тарбахтаах маастардарбытыгар, инньэни ыллатар иистэнньэҥнэрбитигэр, удьуор утуму салҕыыр уустарбытыгар, мындыр дьоммутугар махталбытын этэбит уонна таһаарыылаах, айар үлэҕитигэр өссө үрдүк ситиһиилэри, саҥа саҕахтары, сиэдэрэй оҥоһуктары баҕарабыт.

Участники выставки ДПИ Тулагино-Кильдямского наслега.

1. Арсентьева Розалия Ивановна Народный мастер РС(Я) изделия из бересты и из конского волоса
2. Степанов Василий Парфеньевич– Народный мастер РС(Я) , посуда из бересты
3. Захарова Светлана Семеновна – сиэл, шляпы, тюбитейки, галстук, илин кэби4эр, бастына, лоскутное шитье, покрывала, ковер
4. Константинова Надежда Александровна – вязание спицами, крючком пуховые платки, зонтик, женская одежда
5. Шарина Светлана Пантелеймоновна – лоскутное шитье
6. Кривошапкин Николай Иванович – бас быа
7. Алексеева Наталья Климентьевна – якутская национальная одежда для женщин и детей
8. Туприна Анжелла Васильевна – бисероплетение, женские украшения, билэ
9. Кривогорницина Анастасия Игнатован – бисероплетение, билэ
10. Максимова Любовь Николаевна – олбох, ковер, чехлы для машинок, покрывала, газетница, кыбытык тигии
11. Васильева Евгения Степановна – лоскутное шитье
12. Тимофеева Елена Семеновна – дэйбиир,женские комплекты украшений из бисера
13. Григорьева Айталина Афанасьевна – вязание, комплекты, меховые сумки в национальном стиле, рукавички
14. Айтынбетова Надежда Георгиевна – лоскутное шитье
15. Васильева Наталья Тимофеевна — лоскутное шитье, сумки в национальном стиле
16. Васильев Владимир Иннокентьевич – резьба по дереву, якутская утварь, дэйбиир, комплект якутских шумовых инструментов
17. Тирютина Сардана Олеговна – валяние-картины, куклы марионетки из дерева, полимерной глины, картины из конского волоса, меховые брошки
18. Софронеева Александра Павловна – шитье, модная молодежная повседневная одежда, вязаные шапки, варежки, картины вышитые крестиком, картина из тесьмы
19. Бястинова Надежда Степановна – женские украшения из бисера, брошки
20. Колесова Татьяна Борисовна – куклы папье-маше, мягкие игрушки
21. Кузьмина Матрена Ивановна – женская модная одежда, платья, пальто
22. Эверстов Аркадий Яковлевич – резьба по дереву, кухонный гарнитур, сундук, домашняя мебель
23. Кузьмина Наталья Дмитриевна — точечная роспись
24. Максимова Изабелла Николаевна – лобзик по дереву, летняя беседка, декор террасы
25. Илларионов Владимир Семенович – резьба по дереву, стол и стулья
26. Макарова Александра Егоровна – национальная одежда для женщин и мужчин
27. Васильева Нина Коммунаровна – шитье – женская национальная и современная одежда
28. Федоров Яков Юрьевич – якутские ножи, украшения из рога КРС
29. Дмитриева Раиса Георгиевна – живопись, картины маслом
30. Кулаковская Анна Григорьевна – живопись, картины маслом
31. Атласова Лидия Яковлевна — живопись, картины маслом
32. Коллектив 2 «б» класса Тулагинской СОШ им. П.И. Кочнева рук. Дьячковская Л.Г. «Хоровод дружбы»
33. Попова Варвара Николаевна – алмазная мозаика, вышивка крестиком
34. Гуляева Татьяна Васильевна – сумки из кожи рыбы, картины из чешуи рыбы, украшения из костей рыбы
35. Гуляева Александра Васильевна — сумки из кожи рыбы, картины из чешуи рыбы, украшения из костей рыбы
36. Миронов Александр Николаевич – топиарные и декоративные фигуры,
37. Андреева Светлана Иннокентьевна – вышивка крестиком, картины

322

Добавить комментарий

Ваш адрес email не будет опубликован. Обязательные поля помечены *