Симэх

Национальный центр народного прикладного искусства и художественных промыслов

Новости

Кырадаһын эйгэтэ – кэрэ иис кустуга

⚜ “Симэх” национальнай искусства киинэ;
⚜ МБТ “Уус-Алдан улууһун культураҕа управлениета”;
⚜ “Мындыр” уран уустар түмсүүлэрэ;
⚜ “Мүрү нэһилиэгэ” МТ дьаһалтата;
⚜ “Алаас Хотуна” общественнай түмсүү.

🌟 Саха АССР 100 сыллаах үбүлүөйүн көрсө
🤝 Өрөспүүбүлүкэҕэ биллэриллибит Сомоҕолоһуу сылынан

“Кырадаһын эйгэтэ – кэрэ иис кустуга”

аһаҕас республиканскай быыстапка-күрэһин

БАЛАҺЫАННЬАТА

XI Бүтүн Россиятааҕы “Лоскутная мозаика России” фестиваль лауреата, Саха Республикатын норуотун маастара, Мүрү нэһилиэгин, Уус-Алдан улууһун бочуоттаах олохтооҕо

Атласова Мария Семеновна – Иис Маарыйа
65 сааһынан бырайыага

Буолар сирэ: Уус-Алдан улууһа, Бороҕон с., Г. Егоров уул. 8,
Офиснай киин, “Мындыр” уус кыһата.

Буолар күнэ-дьыла:
Ыам ыйын 31 – бэс ыйын 1 күннэрэ, 2019 сыл.

Сыала-соруга:
– Саха норуотун төрүт ииһин тутуһан кырадыһынтан аттаран, ойо быһан, кыбытыылаах тигиини киэҥ эйгэҕэ тарҕатыы:
– Өбүгэ төрүт үгэһин тутуһан иис таһымын үрдэтии:
– Саҥа дьарыктанааччылары иис алыбар сыһыарыы, көҕүлээһин:

Сүрүн ирдэбиллэрэ:
1. Иистэнньэҥ сааһыттан тутулуга суох 2018-2019 сылларга тикпит 80*100 см, онтон да улахан үлэтинэн кыттар:
2. Үлэ ис хоһоонугар сөп түбэһэр ааттаах буолуохтаах:
3. Хас биирдии үлэҕэ этикетаж (иннигэр-кэннигэр) булгуччулаах:
4. Үлэ быыстапкаҕа икки күн (31.05-01.06.2019) турар:
5. Кыттыы иһин төлөбүрэ биирдии киһиттэн 500 солк., түмсүүттэн 1000 солк.:

Сыаналанар:
– Үлэ ис хоһооно, өҥү таба дьүөрэлээһин:
– Сиигин хаачыстыбата:
– Төрүт үгэһи тутуһан тигии:
– Ойо быһыыны киллэрии:
– Кыбытыылаах тигии:
Дьүүллүр сүбэ быһаарыыта бүтэһиктээх.

Наҕараадалааһын:
– Чыпчаал аат
– 1, 2, 3 миэстэ
– Анал ааттар:
1. Эдэр кэскиллээх иистэньэҥ
2. Кэрэ оһуор, сиэдэрэй сиик
3. Өҥ-дьүһүн дьүөрэтин бастыҥа
4. Кырадыһынтан аттаран кыбытыылаах тигии удьуор утума
5. Ойуу-дьарҕаа сиик маастара
6. Атласова Мария Семеновна ньыматын утумнааччы

Туоһу суруктар, сыаналаах бириистэр туттарыллар.

Сайаапканы ыам ыйын 20 күнүгэр дылы Уус-Алдан улууһун культураҕа управлениетыгар биэрэҕит. Кэлиини-барыыны,аһылыгы кыттааччы бэйэтэ уйунар.

Билсэр телефоҥҥут:
📲 89142986822 Атласова М.С.,
📲 89142636955 Герасимова М.Н.,
📲 89142664773 Федорова А.Е.

Тэрийэр комиссия

1 364

Добавить комментарий

Ваш адрес email не будет опубликован. Обязательные поля помечены *