Симэх

Национальный центр народного прикладного искусства и художественных промыслов

Новости

Ахсынньы 23 күнүгэр Ытык Баайаҕа сиригэр Мандар уус саха олоҕун кэлим музейа үөрүүлээхтик аһылынна

Музей аһыллыытыгар алгыс сиэрин-туомун Б.Ф.Неустроев-Мандар уус ыытта.

Үөрүүлээх түгэн кыһыл лиэнтэтин Саха Өрөспүүбүлүкэтин Ил Түмэн Государственнай мунньах бэрэссэдээтэлин бастакы солбуйааччы Жирков А.Н., Саха Өрөспүүбүлүкэтин Правительствотын бэрэссэдээтэлин солбуйааччы Местников С.В., Таатта улууһун баһылыга Соров М.М., Баайаҕа нэһилиэгин баһылыга Романов Р.Р., Б.Ф. Неустроев – Мандар уус, музей салайааччыта Егоров Н.И. – Баайаҕыын кырыйдылар.

Музейга урукку улаҕалаах сыллартан тиийэн кэлбит тимир уустарын туттар тэриллэрэ, туос маастардарын сэдэх үлэлэрэ, Мандар уус төрүччүтэ, Баайаҕаттан төрүттээх норуот музыкальнай искусствотыгар ураты суолу-ииһи хаалларбыт Чахов А.И., саха театрын аатырбыт артыыһа Максимова И.М., саха балетын бастакы артыыһа Христофоров И.Д., саха музыкальнай инструменнарын оҥорооччу Неустроев Г.А., саха народнай артыыстара Клавдия, Герман Хатылаевтар туттубут, оҥорбут инструменнара, тус маллара-саллара көрдөрүүгэ турбуттар.

Өбүгэ үгэстэрин сөргүтүүгэ, иис-күүс эйгэтигэр, өр сыллаах айымньылаах, таһаарыылаах үлэтин иһин Саха өрөспүүбүлүкэтин уһаныыга уонна уус-уран оҥоһуктарга Палататын быһаарыытынан “Саха Өрөспүүбүлүкэтин уус-уран оҥоһуктарга маастара” үрдүк ааттары Степанова Мария Вячеславовнаҕа, туоһунан иистэниигэ өр сыллаах айымньылаах үлэлэрин иһин Неустроева Александра Васильевнаҕа, Неустроева Елена Давыдовнаҕа “Симэх” норуот искусствотын уонна уус-уран оҥоһуктарын отделын салайааччыта, Саха Өрөспүүбүлүкэтин чороон оҥорооччуларын общественнай түмсүүтүн салайааччыта Дмитрий Константинович Осипов үөрүүлээх быһыыга-майгыга туттарда.

2 222

Добавить комментарий

Ваш адрес email не будет опубликован. Обязательные поля помечены *