“Арчы” туосчуттар түмсүүлэрин 30 сыла!
Уус Алдан улууһун, Бээрийэ нэһилиэгин «Арчы» туосчуттар түмсүү 30 сыллаах үлэтин көрдөрөр «Өбүгэ ситимэ» диэн кинигэ сүрэхтэниитэ бу дьыл ахсынньы 13 күнүгэр, В.В. Никифоров-Күлүмнүүр аатынан “Тойон Мүрү” култуура дыбарыаһыгар буолла.
“Арчы” туосчуттар түмсүүлэрин быыстапкатын Бээрийэтээҕи библиотека сэбиэдиссэйэ Туяра Антоновна Никифорова быыстапканы туруоран, айар үлэлэрин билиһиннэрдэ.
“Өбүгэ ситимэ” кинигэ сүрэхтэниитин үөрүүлээх чааһын улуустааҕы кииннэммит библиотека тиһигин коллектива уонна Бээрийэтээҕи “Арчы” сынньалаҥ киин коллектива иилээн-саҕалаан ыыттылар. “Арчы” туосчуттар түмсүүлэрин 30 сыллаах айар үлэлэрин билиһиннэрэр кинигэлэрин сүрэхтэниитигэр эҕэрдэлии ыраахтан чугастан бииргэ алтыспыт дьонноро муһуннулар. Ол курдук, Дьокуускай куораттан “Симэх” Саха Өрөспүүбүлүкэтин национальнай киинин директора Яна Викторовна Игнатьева, Сунтаар улууһун С. Зверев аатынан түмэл директора Альбина Алексеевна Федорова, музей хранителя Эмма Васильевна Васильева, Дьокуускай куораттан “Сайсары” туосчуттар түмсүү, Табаҕа музыкальнай оскуолатын директора Лариса Николаевна Каратаева, “Бээрийэ” түмсүү салайааччыта Екатерина Гурьевна Турантаева кэлэннэр истиҥ иһирэх тыллары эттилэр.
30 сыллаах айар үлэлэрин сыаналаан “Арчы” түмсүү көхтөөх кыттааччылара чиэстэннилэр. Ол курдук, Саха Өрөспүүбүлүкэтин правительствотын махтал суругунан Колесова Александра Афанасьевна, Арсентьева Марианна Терентьевна, Саха Өрөспүүбүлүкэтин Ил Түмэн култуураҕа уонна наукаҕа комитетын бочуотунай грамотатынан Васильева Зинаида Александровна, Саха Өрөспүүбүлүкэтин үөрэҕириитин туйгуна аат иҥэрилиннэ Семенова Елизавета Егоровнаҕа, Саха Өрөспүүбүлүкэтин норуотун маастара аат иҥэриллиннэ Васильева Парасковья Николаевнаҕа, Саха Өрөспүүбүлүкэтин уус уран оҥоһуктарын маастара ааты ылла Васильева Прасковья Артемовна, “Симэх” национальнай киин грамотатынан наҕараадаланна Турантаева Анна Петровна, “Матери России” Бүтүн Россиятааҕы дьахталлар хамсааһыннарын Саха сиринээҕи отделениятын бэрэссэдээтэлэ П.П. Борисова махтал суругунан наҕараадаланна Васильева Зинаида Егоровна, Саха Өрөспүүбүлүкэтин профсоюһун федерациятын бэрэссэдээтэлин Дегтярев Николай Николаевич бочуотунай грамотатынан наҕараадаланна Арсентьева Марианна Терентьевна, Уус-Алдан улууһун социальнай-экономическай сайдыытыгар киллэрбит кылаатын иһин бэлиэнэн наҕараадаланнылар Колесова Александра Афанасьевна, Томская Ольга Прокопьевна, Уус-Алдан улууһун культуратын сайдыытыгар киллэрбит кылаатын иһин бэлиэнэн наҕараадаланна Васильева Светлана Федоровна, Бээрийэ нэһилиэгин бочуоттаах олохтооҕо аат иҥэриллиннэ Васильева Зинаида Александровнаҕа, Васильева Екатерина Николаевнаҕа. Бээрийэ нэһилиэгин социальнай-экономическай сайдыытыгар кылаатын иһин бэлиэнэн Васильева Парасковья Николаевнаҕа иҥэрилиннэ.
