«АТТАРАН ТИГИИ АБЫЛАҤА АЛЫПТААХ ИИСКЭ УГУЙДА»
Тохсунньу 24 күнүгэр “Кырадаһын абылаҥа” түмсүү 10-сыллаах үбүлүөйүн көрсө «Аттаран тигии абылаҥа алыптаах иискэ угуйда» быыстапка үөрүүлээх арыллыытыгар ыҥырабыт!
“Кырадаһын абылаҥа” түмсүү, уон сыл устата араас эйгэҕэ үлэлээбит дьон, кырадаһынынан кыбытыылаах тигиини сэҥээрэн, абылаҥар ылларан, кэрэлэринэн сөхтөрбүт үгүс элбэх оҥоһуктары тигэн таһаарбыттарын, бу иис көрүҥүн баһылаабыттарын чопчулуур быыстапкатыгар ыҥырар!
“Кырадаһын абылаҥа” түмсүүнү 2015 сыллаахтан Арассыыйа уонна Саха Өрөспүүбүлүкэтин норуотун маастара Дария Семеновна Козлова салайан, элбэх Далбар Хотун талаанын арыйан, иискэ угуйан таһаарда. Билигин түмсүүгэ 15 киһи дьарыктанар. Түмсүү кыттыылаахтара бэйэ-бэйэлэрин кытта доҕордоһон, истиҥ дьүөгэлии сыһыаннаахтык өйдөһөн-өйөһөн, бары бииргэ алтыһан айымньылаахтык айа-тута сылдьаллар.
Быыстапкаҕа “Кырадаһын абылаҥа” түмсүү айан таһаарбыт дьиэҕэ-уокка туттуллар панноларын, көбүөрдэрин, күннэтэ кэтиллэр таҥастарын, суумкаларын, саха дьахтара мааныга кэтэр аныгылыы истииллээх кытыылаах сонун, ат симэҕин уонна да атын үлэлэрин көрүөххүт.
Тохсунньу ый 24 күнүгэр, күнүс 15.00 чааска Өксөкүлээх Өлөксөй аатынан норуоттар доҕордоһууларын дьиэтигэр “Кырадаһын абылаҥа” түмсүү 10 сылыгар ананар быыстапка үөрүүлээх арыллыытыгыр күүтэбит!
Кэлиҥ, сэргээҥ, кэрэни кэрэхсээҥ!
