Директор Центра “Симэх” Яна Игнатьева рассказала о косторезном искусстве на «Россия 1 Саха»
Саха дьоно дьыл ханнык да кэмигэр бэйэлэрин олохторун кэрэнэн киэргэтэр, үчүгэйинэн тупсарар ураты дьоҕурдаах норуот буолар. Кинилэр сатабыллара, мындырдара саха норуотун аан дойду таһымыгар таһаарбыта, биллэрбитэ.
Тохсунньу ый 20 күнүгэр “Симэх” национальнай киинин дириэктэрэ Яна Игнатьева уонна РФ норуотун маастара, муосчут Андрей Винокуров Россия 1 каналыгар тахсан, тэлэбиисэри көрөөччүлэр киэҥ араҥаларыгар араас хайысханан үлэлиир норуот маастардарын: саха таҥаһыгар, муоска, туойга, маска, көмүскэ, туоска уо.д.а. үлэлэрин, ситиһиилэрин билиһиннэрдилэр.
“Симэх” национальнай киин дириэктэрэ Яна Викторовна норуот искусствотын уонна уус уран оҥоһуктары оҥорон таһаарыы ымпыгын-чымпыгын, билиҥҥи кэмҥэ ханнык проблемалар, туох кыаллыбат өрүттэр баалларын, салгыы хайдах үлэлээн норуот маастардарын сайыннарар, ааттарын үйэтитэр туһунан киэҥ ис хоһоонноохтук, олус тиийимтиэтик, өйдөнүллэрдик кэпсээтэ.
Екатерина Иванова
