Якутские мастерицы приняли участие в фестивале “Душа России”
Бэс ыйын 16-20 күннэригэр Суздаль куорат 1000 сыла туолар кэмигэр “Душа России” Аан дойдутааҕы бэстибээлгэ Саха сириттэн А.Н. Зверева салайааччылаах маастардар делегациялара кыттыыны ылла.
Манна таҥас сыыҺынан кыбытан тигэр маастардар хас да улуустан: Дьокуускайтан А.Н. Зверева, Хаҥаластан – Д.Г. Константинова, С.М. Петрова, Е.Д. Антипина, М.Н. Захарова, Намтан – Е.И. Шарина, И.Н. Докторова, Ньурбаттан М.Н. Алексеева уонна Сөргүтүү түмсүүттэн Л.Г. Иванова, А.Ф. Харлампьева кыттыыны ыллылар.
Бэстибээл арыллыытын сахалар делегациялара арыйан улахан эппиэтинэһи сүктүлэр. Сахалыы сиэри – туому В.Е. Романова (Хаҥалас) толордо. Маастардар кэрэ көстүүлээх сахалыы таҥнан, көхтеехтүк кыттан, мустубут дьон сэҥээриитин ыллылар. Захарова М.Н. (Хаҥалас) тикпит сахалыы икки коллекциятын моделлар кэтэн көрдөрдүлэр. Ол кэннэ Л.Н. Пустолякова (Сунтаар) алгыстаах оҺуохайы көҕүлүттэн тутан үҥкүүлэтэн дайдарда. Чахчы да саха омук дириҥ култууралааҕа бу сиэри – туому толорууга көстөн ааста.
Быыстапкаҕа сахаларга анаммыт залга маастардар үлэлэрин ыйаан туруордулар. Маастар кылааҺы Константинова Дарья, Антипина Евдокия, Харлампьева Азияна ыыттылар.
Суздаль куорат 1000 сылыгар анаммыт «Лоскутное поле» диэн тэрээһиҥҥэ көхтөөхтүк кытыннылар. Ол курдук 1 кв. м. иэннээх 1000 таҥас сыыһынан тигиллибит панноларга сахалар кыбытыгынан тигиллибит панноларын туттаран бэйэлэрин кылааттарын киллэрдилэр. Сылын ахсын кэлэн кыттан тигэн хаалларбыт панноларын булан көрөн үөрдүлэр.
Манна урут кыттыбыт маастардар үлэлэрэ эмиэ сыталлар. Ол курдук Егорова Мария Николаевна “Розовая Чайка”, Евсеева Августина Ивановна “Хотой”, Харлампьева Азияна Филипповна “Алгыстаах маллаах иҺитэ”, “Хотой”, Константинова Дарья Гаврильевна биэс үлэтэ, у. д. а. үлэлэр эмиэ бааллар.
