Егоров Егор Егорович – Үрүн Уус
2020 сыл бэс ыйын 29 күнүгэр Саха республикатын норуотун маастара, Мэҥэ-Хаҥалас улууһун маастара, Дархан ууһа Егоров Егор Егорович –Үрүн Уус уһун ыарахан ырыыттан күн сириттэн барда.
Егоров Егор Егорович – Үрүн Уус 1958 с. Орджоникидзевскай оройуон Маалтааны нэhилиэгэр төрөөбүтэ. 1975с. Дьокуускайдаа5ы П.Романов аатынан художесственнай училище5а прикладной салааҕа үөрэнэ киирбитэ, 1981с. үөрэҕин бүтэрэн Мэҥэ-Хаҥалас улууһугар Майа сэлиэнньэтигэр Оройуоннааҕы культуура дьиэтигэр художник- оформителынан са5алаабыта. 1989-1994 с.с. Майатаа5ы музыкальнай школа художественнай кылааhын преподавателинэн үлэлээбитэ. 1994-2004 с.с. Дьокуускай куоракка «Кудай бахсы»
фонда5а кэтэхтэн маастарынан үлэлээбитэ. Егор Егорович айар талааннаах уус, ювелир –маастар буолан республикаҕа , Мэҥэ-Хаҥалас улууһугар киэҥник биллибитэ.
Кини мамонт муоhуттан, удьурхайтан шкатулкалары, кыһыл, үрүн көмүстэн энин-араас сиэдэрэй киэргэллэри, илин кэбиhэрдэри уо.д.а. онортообута. Биир улахан Yлэтин 2000с. Игнатьев С.А. диэн маастары кытта кыттыhан оноруллубут саха дьахтарын сүктэр атын толору киэргэлэ буолар. Биир толору сыл иhигэр оноруллубут ат симэҕэ билигин Дьокуускай куоракка Саха Республикатын Государственнай хранилищиетыгар ( Гохранҥа) ууруллан турар.
Егоров Е.Е.-Үрүн Уус оноруллубут үлэлэрэ Саха сирин бары муннуктарыгар, Белорусия5а, Латвия5а, Франция5а, Америка5а тиийэ тар5аммыттара. Егор Егорович талбыт идэтин уларыппакка ыарахан ыарыыга ылларан да баран илиитин араарбакка үлэлээбитэ. Егор Егорвич Мэҥэ-Хаҥалас улууһун Мэҥэ Уус активнай чилиэнэ, улуус маастара, Дархан Ууһа. Өрүү сүбэлиир, көмөлөһөр, биир тутаах киһибит ууспут этэ. Егор Егорович СР маастардарын форумнарын, быыстапкаларын Дьаарбанкаларын кыттыылааҕа.
Егор Егоровичка СР норуотун маастара, СР уус уран оноһуктарын маастар, Мэҥэ-Хаҥалас маастара, Дархан Ууһа, СР культура уонна духуобунай сайдыытын министерствотын За вклад в развитии народно-художественного творчества бэлиэнэн наҕараадаламмыта.
Мэҥэ-Хаҥалас маастардарын , уустарын Мэҥэ уус түмсүүтэ Еогов Егор Егорович –Үрүҥ Уус олохтан уһун ыарахан ыарыыттан барбытын туһунан дириҥник курутуйан туран биллэрэбит. Кэргэнигэр Александра Васильевнаҕа, оҕолоругар, сиэннэригэр, чугас дьонугар дриҥ кутурҕаммытын биллэрэбит, аһыыгытын тэҥҥэ үллэстэбит.
