“Халадаай ART» айар түһүлгэ
Ыам ыйын 24 күнүгэр Дьокуускай куорат килбэйэр киинигэр, “Симэх” арт-салоҥҥа Саха сиригэр сайылык күнүгэр аналлаах “Халадаай ART» айар түһүлгэ буолан ааста.
Саха сиригэр сайылык күнэ 2019 сылаахтан бэлиэтэнэр. Сайылык күнэ 2018 сыл сэтинньи 6 күнүгэр Ил Дархан Айсен Николаев ыйааҕынан төрүттэммитэ.
“Симэх” норуот искусствотын уонна уус-уран оҥоһуктарын национальнай киинэ бу күн бастакытын маннык хабааннаах бырайыак төрүттээтэ. Саха омук үрдүк Айыыларга үҥэн-сүктэн уйгуну-быйаны көрдүүр Алгыс сиэринэн-туомунан тэрээһини саҕаланна, салгыы быыстапка-дьаарбаҥка, саха төрүт таҥаһын чинчийээччилэрин, норуот маастардарын кытта халадаай ырбаахы тула кэпсэтии, дьэрэкээн коллекциялары дьоҥҥо-сэргэҕэ көрдөрүү буолла.
Үтүө үгэс быһыытынан алаадьы астаан, кус миинэ буһаран сандалы остуолга хоторойунан ас тардан кэлбит дьону күндүлээтибит.
Айар түһүлгэҕэ мустубут дойдубут мааны дьонугар, төрүт үгэстэргитин умнумаӊ, сайдам санаа5ыт салаллан дьоллоох буолуӊ диэн алгыспытын аныыбыт!
Эһиэхэ барыгытыгар өйдөһүүнү, өйөһүүнү, чэгиэн-чэбдик оло5у, дьолу, тапталы ба5арабыт! Дом!!!
