Симэх

Национальный центр народного прикладного искусства и художественных промыслов

Новости

Таатта киинигэр Ытык Күөлгэ “Хадаайы” кэрэ алааһыгар “Iis, uus, as fest”

Бүгүн бэс ыйын 15 күнүгэр ытык Таатта киинигэр Ытык Күөлгэ “Хадаайы” кэрэ алааһыгар “Iis, uus, as fest” этнографическай фестиваль үлэтин саҕалаата.

Фестивальга туоһунан тигиигэ, муостан кыһан, талахтан мас олоппостору оҥорууга, ситии хатыытыгар, хатыҥ маска народнай художник Иван Васильевич Попов оһуорун түһэриигэ, туойунан, тимиринэн уо.д.а. оҥоһуктары оҥорууга кыттааччылар икки күн устата күрэхтэһиэхтэрэ.

Маны таһынан тарбаҕар талааннаахтар быыстапкалара бар дьон көрүүтүгэр турдулар. Конкурстарга оҕолор кытталлара кэрэхсэбиллээх. Конкурс кыттыылаахтарын үлэлэрин “Симэх” норуот искусствотын уонна уус-уран оҥоһуктарын эталоннай оҥоһуктарын фондун специалиһа Д.В. Гуляева, “Симэх” Национальнай Киин уус-уран оҥоһуктары сайыннарар салаатын салайааччыта Д.К. Осипов, Хотугу аҕыйах ахсааннаах омуктар проблемаларын үөрэтэр гуманитарнай чинчийии институн научнай сотрудниктара, П.Романов аатынан ойуулуур-дьүһүннүүр училище (колледж) уһуйааччылара уо.д.а. сыаналахтара.

Түмүк сарсын бэс ыйын 16 күнүгэр тахсыаҕа.

436

Добавить комментарий

Ваш адрес email не будет опубликован. Обязательные поля помечены *