Симэх

Национальный центр народного прикладного искусства и художественных промыслов

Новости

Культура – фундамент общества

Кулун тутар 27 күнүгэр Жатай куораттааҕы уокурук дьаһалтатын, культура, спорт уонна эдэр ыччат Управлениетын ыҥырыыларынан «Симэх» Национальнай киин үлэһиттэрэ, норуот маастардара «Культура – общество сайдар төрдө» – диэн ааттаах Россия культуратын үлэһиттэрин күнүн чэрчитинэн семинар-практикум үлэтигэр кытыыны ыллылар.

Эбиэт иннигэр Жатай куорат администрациятын дьиэтигэр «Культура – фундамент общества» – диэн ааттаах төгүрүк остуол буолла.

Төгүрүк остуолга Жатай куораттааҕы уокурук администрациятын баһылыгын солбуйааччыта А.А. Морозова, культура, спорт, ыччат оделын начальнига М.А. Левина, Жатай куорат библиотекатын директора Решеткова О.С., Жатайдааҕы «Маяк» культура киинин директора Иванова Л.А., Жатай куораттааҕы уокурук музейын директора С.В. Голиков бэйэлэрин үлэлэрин-хамнастарын билиһиннэрдилэр.

«Симэх» Национальнай Киин уус-уран оҥоһуктары сайыннарар салаатын салайааччыта Д.К. Осипов «Симэх» Национальнай Киинин ыытар үлэтин туһунан, 2033 сылга диэри Саха Өрөспүүбүлүкэтин уус-уран оҥоһуктарын сайыннарыыга ылыныллыбыт Концепция туһунан кэпсээтэ.

Төгүрүк остуол түмүгүнэн Жатай куораттааҕы уокурук дьаһалтатын уонна «Симэх» Национальнай Киин икки ардыларыгар уус-уран оҥоһуктары, норуот үйэлээх үгэстэрин сайыннарыыга бииргэ үлэлээһиҥҥэ Сөбүлэһиигэ илии баттанна. Эбиэт кэннэ «Маяк» культура киинигэр «Симэх» Национальнай Киин үлэһиттэрэ Дмитрий Колодезников туойга, Татьяна Шишигина сувенирдары оҥорууга, Мэҥэ-Хаҥаластан Саха Өрөспүүбүлүкэтин уус-уран оҥоһуктарга норуотун маастара войлогунан сувенир оҥоруутугар үөрэттилэр, маастар-кылаастары ыыттылар.

Жатай куораттааҕы уокурук культуратын үлэһиттэригэр «О социальном проектировании просто и доступно» – диэн темаҕа Васильева Д.Л., Саха Өрөспүүбүлүкэтин ресурснай киинин специалиһа лекция аахта.

174

Добавить комментарий

Ваш адрес email не будет опубликован. Обязательные поля помечены *