«Өрөгөй чорооно» күрэх түмүктэннэ
Саха Сирин маһынан уһанааччылларын общественнай түмсүүтэ салайааччы Дмитрий Осипов, «Симэх» норуот ускуустубатын уонна уус-уран оҥоһуктарын Национальнай Киинэ кулун тутар 5-6 күннэригэр Дьокуускай куоракка «Арчы дьиэтэ» духуобунас киинигэр Саха Өрөспүүбүлүкэтин норуотун маастарын күнүгэр аналлаах ХV төгүлүн ыытыллыбыт «Уһанар, айар Саха Сирэ (Якутия мастеровая)» быыстапка-дьаарбаҥка иһинэн «Өрөгөй чорооно» идэ таһымын үрдэтэр Өрөспүүбүлүкэтээҕи көрүү-күрэҕи тэрийэн ыыттылар.
Күрэххэ Тааттаттан Федор Чээрин, Василий Рахматуллин, Горнай улууһуттан Алексей Максимов, Артем Трофимов, Намтан Руслан Захаров-Сырдык, И.С. Гаврильев аатынан Нам орто оскуолатын 7 «а» кылааһын үөрэнээччитэ Айхал Васильев, Үөһээ Бүлүүттэн Михаил Егоров-Хаттаанай, Сунтаартан Анатолий Семенов, Саргылана Иванова, Хаҥалас улууһуттан Сергей Петров,Мииринэй оройуонуттан Мария Захарова, Петр Романов аатынан Дьокуускайдааҕы ойуулуур-дьүһүннүүр училище (колледж) 2-с курсун устудьуоннара Анжелика Данилова, Любовь Ильина, Василий Лопатин «Айар уустар» креативнай индустрия колледжын производственнай үөрэхтээһиҥҥэ маастара кыттыыны ыллылар.
Оскуола оҕотуттан саҕалаан идэтийбит биллэр норуот маастардара кытыннылар. Икки күн устата алтыһан, эрдэттэн бэлэмнэммит 30 см кырата суох заготовканы аҕаланнар иилээн, оһуордаан-мандардаан, силигин ситэрэн, арыылаан-сыалаан «Өрөгөй чороонун» оҥорон таһаардылар.
Күрэх сүрүн сыала эдэр ыччакка өбүгэ маһынан уһанар үгэстэрин иҥэрии, маһынан уһанааччылар сатабылларын бар дьоҥҥо билиһиннэрии, көрдөрүү буолар. Улуу Кыайыы 80 сылыгар ананар «Өрөгөй чорооно» күрэххэ бар дьон биһирэбилин ылбыт биллэр норуот маастардарын кытта тэбис-тэҥҥэ ыччаттарбыт, кэнчээрилэрбит икки күн устата алтыһан тэтимнээхтик үлэлээтилэр, бэйэлэригэр элбэх саҥа билиини иҥэриннилэр. Күрэххэ икки Саха Өрөспүүбүлүкэтин норуотун маастардара, түөрт Саха Өрөспүүбүлүкэтин уус-уран оҥоһуктарга маастардара, кэскиллээх ыччаттар кыттыннылар.
Дьүүллүүр Сүбэ бэрэссэдээтэлинэн күрэх тэрийээччитэ Саха Өрөспүүбүлүкэтин култууратын туйгуна, кыраайы үөрэтээччи, Симэх» норуот ускуустубатын уонна уус-уран оҥоһуктарын Национальнай Киинин уус-уран оҥоһуктарга Ресурснай киинин салайааччыта Дмитрий Осипов, Саха Өрөспүүбүлүкэтин норуотун маастара, РФ уона СӨ үөрэҕириитин, култууратын туйгуна, маастар-педагог Афанасий Лопатин, Емельян Ярославскай аатынан Хотугу норуоттар историяларын уонна култуураларын үөрэтэр холбоһуктаах судаарыстыбаннай Түмэл маска реставратора, Саха Өрөспүүбүлүкэтин уус-уран оҥоһуктарга маастара Василий Протопопов–Чороон Баһылай, Саха Өрөспүүбүлүкэтин норуотун маастара, аан дойдутааҕы муус-хаар оҥоһуктар күрэхтэрин, фестивалларын кыайыылааҕа, дэгиттэр уус Александр Игнатьев үлэлээтилэр.
Икки күннээх түбүктээх үлэ кэнниттэн Дьүүллүүр Сүбэ түмүктэри таһаарда. «Кыайыыга дьулуур» анал аат, диплом уонна «Көмүлүөк» оҥорон таһаарар хампаанньа (генеральнай директор Григорьева О.Г.) 5 тыһыынча суммалаах сертификата ананна Руслан Афанасьевич Захаровка, Нам улууһун Кириэс-Кытыл олохтооҕор.
«Дьоҕурдаах ыччат» анал аат, диплом уонна «Көмүлүөк» оҥорон таһаарар хампаанньа (генеральнай директор Григорьева О.Г.) 5 тыһыынча суммалаах сертификата ананна Любовь Ильинаҕа Петр Романов аатынан Дьокуускайдааҕы ойуулуур-дьүһүннүүр училище (колледж) 2-с курсун устудьуонугар.
«Уран оһуор» анал аат, диплом уонна «Көмүлүөк» оҥорон таһаарар хампаанньа (генеральнай директор Григорьева О.Г.) 5 тыһыынча суммалаах сертификата уонна Саха Өрөспүүбүлүкэтин норуотун маастара Владимир Саввинов анал бирииһэ 5 тыһыынча ананна Артем Иванович Трофимовка Горнай улууһун Бэрдьигэстээх нэһилиэгин олохтооҕор.
«Саҥа саҕалааччы» анал аат, диплом уонна «Саха айдын» ювелирнай фирма бэлэҕэ, Афанасий Лопатин бэйэтэ олохтообут бирииһэ ананна Айхал Васильевка, И.С. Гаврильев аатынан Нам орто оскуолатын 7 «а» кылааһын үөрэнээччитигэр.
«Бастыҥ оһуор» анал аат, диплом уонна Саха Өрөспүүбүлүкэтин норуотун маастара Александр Игнатьев анал бирииһэ «Уран уус» инструменнар набордара ананна Саргылана Моисеевна Ивановаҕа.
«Кыраҕы харах» анал аат, диплом уонна Емельян Ярославскай аатынан Хотугу норуоттар историяларын уонна култуураларын үөрэтэр холбоһуктаах судаарыстыбаннай Түмэл маска реставратора, Саха Өрөспүүбүлүкэтин уус-уран оҥоһуктарга маастара Василий Протопопов олохтообут 10 тыһыынча харчынан бирииһэ ананна Алексей Алексеевич Максимовка Горнай улууһун Бэрдьигэстээх нэһилиэгин олохтооҕор.
«Уран иэйии» анал аат, диплом уонна Мазур Анжелика Вячеславовна Үөһээ Халыма улууһун Зырянка бөһүөлэгин «Чахадан» уус кыһатын сэбиэдиссэйэ олохтообут 10 тыһыынча харчынан бирииһэ ананна Михаил Дмитриевич Егоровка-Хаттаанайга Үөһээ Бүлүү улууһун, Үөһээ Бүлүү нэһилиэгин олохтооҕор.
«Тупсаҕай оҥоһук» анал аат, диплом уонна Саха Өрөспүүбүлүкэтин норуотун маастара тимир ууһа Николай Степанов 10 тыһыынча харчынан бирииһэ ананна Анатолий Иванович Семеновка, Сунтаар улууһун Тойбохой нэһилиэгин олохтооҕор.
«Сиппит айымньы» анал аат, диплом уонна Саха Өрөспүүбүлүкэтин норуотун маастара, «Дархан уус» Павел Григорьевич Тимофеев дьиэ-кэргэнэ олохтообут 10 тыһыынча харчынан бирииһэ ананна Мария Александровна Захароваҕа Мииринэй оройуонун Мииринэй куорат олохтооҕор.
«Чочуонай чороон» анал аат, диплом уонна Саха Өрөспүүбүлүкэтин норуотун маастара, «Дархан уус» Павел Григорьевич Тимофеев дьиэ-кэргэнэ олохтообут 10 тыһыынча харчынан бирииһэ ананна Сергей Соломонович Петровка Хаҥалас улууһун Хачыкаат нэһилиэгин олохтооҕор.
ХV төгүлүн ыытыллыбыт «Уһанар, айар Саха Сирэ (Якутия мастеровая)» быыстапка-дьаарбаҥка иһинэн «Өрөгөй чорооно» идэ таһымын үрдэтэр Өрөспүүбүлүкэтээҕи көрүү-күрэх III Үрдэлин ылары ситистэ Петр Романов аатынан Дьокуускайдааҕы ойуулуур-дьүһүннүүр училище (колледж) 2-с курсун устудьуона Анжелика Данилова.
Киниэхэ диплом уонна Саха Өрөспүүбүлүкэтин маһынан уһанааччыларын общественнай түмсүүтэ (салайааччы Д.К.Осипов) олохтообут 20 тыһыынча харчынан бирииһэ туттарылынна.
«Өрөгөй чорооно» идэ таһымын үрдэтэр Өрөспүүбүлүкэтээҕи көрүү-күрэх II Үрдэлин ылла Саха Өрөспүүбүлүкэтин норуотун маастара, Таатта улууһун Ытык Күөл нэһилиэгин олохтооҕо Федор Иванович Чээрин. Киниэхэ диплом уонна Саха Өрөспүүбүлүкэтин маһынан уһанааччыларын общественнай түмсүүтэ (салайааччы Д.К.Осипов) олохтообут 30 тыһыынча харчынан бирииһэ туттарылынна.
«Өрөгөй чорооно» идэ таһымын үрдэтэр Өрөспүүбүлүкэтээҕи көрүү-күрэх I Үрдэлин ылары ситистэ Василий Васильевич Лопатин, Дьоккускай куорат «Айар уустар» креативнай индустрия колледжын производственнай үөрэхтээһинин маастара.
Киниэхэ диплом уонна Саха Өрөспүүбүлүкэтин маһынан уһанааччыларын общественнай түмсүүтэ (салайааччы Д.К.Осипов) олохтообут 50 тыһыынча харчынан бирииһэ туттарылынна.
Саха Өрөспүүбүлүкэтин маһынан уһанааччыларын общественнай түмсүүтэ, «Симэх» норуот ускуустубатын уонна уус-уран оҥоһуктарын Национальнай Киинэ улахан махталларын тиэрдэллэр «Өрөгөй чорооно» Өрөспүүбүлүкэтээҕи көрүү-күрэх спонсордарыгар:
Саха Өрөспүүбүлүкэтин култуураҕа уонна духуобунай сайдыыга министерствотыгар – министр А.И.Ноев
«Чороон 21 үйэ» хампаанньа – директор С.Т.Попова
«Көмүлүөк» оҥорон таһаарар хампаанньа – генеральнай директор О.Г Григорьева – Туналы Урсун
«Саха Айдын» ювелирнай фирмаҕа – салайааччы Н.И.Потапов
Мазур А.В.. Чахадан уус кыһатын сэбиэдиссэйигэр, Үөһээ Халыма улууһа, Зырянка бөһүөлэгэ
Саха Өрөспүүбүлүкэтин норуотун маастара, «Дархан уус» Павел Григорьевич Тимофеев дьиэ-кэргэнигэр Елизавета Гаврильевна Тимофееваҕа
Саха Өрөспүүбүлүкэтин норуотун маастара А.П.Лопатиҥҥа, Таатта улууһа
Саха Өрөспүүбүлүкэтин норуотун маастара. тимир ууһа Н.Н.Степановка, Бүлүү улууһа
Саха Өрөспүүбүлүкэтин норуотун маастара В.Е.Егоровка, Уус Алдан улууһа
Саха Өрөспүүбүлүкэтин норуотун маастара В.И.Саввиновка, Ньурба оройуона
Саха сирин норуоттарын үйэлээх уһанар-иистэнэр үтүө үгэстэрэ көлүөнэттэн көлүөнэҕэ бэриллэ, сайда турдуннар!
