Мэҥэ Уус-2021
Мэҥэ-Хаҥалас улууһугар, Аллараа Бэстээх бөһүөлэгигэр 65-с төгүлүн ыытыллар В.К. Степанов аатынан «Культура уонна спорт эстафетата» фестиваль уонна сахалартан бастакы Советскай Союз Геройа Федор Кузьмич Попов 100 сылынан биллэриллибит «Герой сылын» чэрчитининэн улуустааҕы «Мэҥэ Уус» быыстапка-дьаарбаҥка буолан ааста.
Быйылгы быыстапкаҕа 29 нэһилиэктэн, 350 маастар 9 хайысханан кыттыыны ылла. Кэлбит ыалдьыттарга, улуус олохтоохторугар «чороон оһуора-мандара», «туостан оҥоһук», «сыахай» маастар кылаастарын ыыттылар.
Быыстапка-дьаарбаҥка үөрүүлээх арыллыытыгар Мэҥэ-Хаҥалас улууһун маастара Савва Александрович Левин улуус Аҕа баһылыгар Николай Прокопьевич Старостиҥҥа «Ытык дуоҕа» туттарда.
Николай Прокопьевич: «2017-19сс. норуот маастардар айалларыгар-туталларыгар үгүс үлэ ыытыллыбыта. Ытык саастаах маастардарбыт эдэр ыччакка үтүө холобур буола сылдьыаххыт, опыткытын үллэстэ сылдьыаххыт диэн биьиги эрэнэбит. Бүгүҥҥү быыстапкаҕа сайдыыга улахан хардыы оҥорбуппут көстөр. Олохтоох салалта, культура салалтата, общественнай түмсүүлэр бары бииргэ түмсэн өйөбүлү биэриэхтээхпит диэн өйдөбүллээхпит».
«Мэҥэ Уус» Мэҥэ-Хаҥалас улууһун айар талааннаахтарын үлэлэрэ-хамнастара таһаарылаах буоларын туһугар, саха төрүт олоҕун-дьаьаҕын, төрүт үгэстэрин сайыннарар, тарҕатар дьонноругар анаан, улуустааҕы норуот айымньытын киинэ «Олоҥхо дьиэтэ» салайааччытыгар Евдокия Николаевна Иванова5а 1 000 000 солкуобайдаах сертификаты туттарда.
«Симэх» национальнай киин салайааччыта, РФ уонна СӨ культуратын үтүөлээх үлэһитэ Яна Викторовна Игнатьева Мэҥэ-Хаҥалас улууһун маастардара сылтан-сыл сайдан иһэллэрин кэрэхсээтэ. Норуот уус-уран оҥоһуктарын сайдыытыгар кылааттарын иһин «СӨ норуот уус-уран оҥоһуктарын маастара» знактары:
– Сергеева Надежда Викторовна- Майа нэһ.
– Скрябин Федор Васильевич- Хорообут нэһ.
– Березкина Валентина Борисовна – Мэнэ нэһ. туттарда.
«Мэҥэ Уус» норуот маастардарын күнүнэн ыытыллыбыт быыстапка-дьаарбанка кыайыылаахтарынан буоллулар:
«Саха төрүт таҥаһа» – Портнягина Александра Викторовна, Төхтүр нэһ.
«Кыбытык. Аттаран тигии» – Тарская Мотрена Николаевна, Хара нэһ.
«Кыл-сиэл оҥоһуктар» – Березкина Валентина Борисовна, Балыктаах нэһ.
«Мас оҥоһуктар» – Скрябин Федор Васильевич, Хорообут нэһ.
«Тимир оҥоһуктар» – Борисов Устин Николаевич, Тенулу нэһ.
«Туос оҥоһуктар» – Сергучева Мария Ефремовна, Бэдьимэ нэь.
«Сыахайдар» – Андросов Василий Андреевич, Мэлдьэхси нэһ.
«Туой оҥоһуктар» – Егоров Петр Петрович, Майа нэһ.
«Ат симэ5э» – Соловьева Екатерина Никифоровна Чыамайыкы нэһ.
Улуустааҕы норуот айымньытын киинэ «Олоҥхо дьиэтэ» тэрийэр улуустаа5ы «Өбүгэ таҥаһа» иистэнньэннэргэ аналлаах күрэх быйыл алтыс төгүлүн ыытылынна. Кыайыылаах үрдүк аатын ылла уонна Мэҥх-Хаҥалас МТ баьылыга туруорбут 15 000 суммалаах сертификатынан наҕараадаланна Захарова Евдокия Ивановна.
Улуус общественнай түмсүүлэрэ «Сөрүө олбох-100», «Чороон 100» акцияны биллэрдилэр уонна улуус маастардарын бука бары кыттыһан, өйөөн күүстээхтик үлэлиэххэйин диэн ыҥырдылар. Аны сайын сүүс сөрүө олбох уонна сүүс чоруун чороону көтөҕөн тахсан биир дойдулаахтарын Сахалартан бастакы Советскай Союз Геройа Федор Кузьмич Попов 100 сылыгар аналлаах үрүн тунах ыһыа5ын арыйыахтара.
