Симэх

Национальный центр народного прикладного искусства и художественных промыслов

Новости

МЭҤЭ УУС — 2023

Мэҥэ Хаҥалас улууһун кэрэни кэрэхсиир, талба талааннаах уус, иистэнньэҥ дьонугар аналлаах тэрээһин муус устар 7 күнүгэр үрдүк таһымнаахтык тэриллэн ыытылынна.

Аллараа Бэстээх Т. Пинегин аатынан «Парус» спорт уораҕайын түһүлгэтигэр 500 кэриҥэ үлэ быыстапка-дьаарбаҥкаҕа турдулар.
Манна аҕыс хайысханан дьүүллүүр сүбэ бастыҥнары быһаарда.

Маастар-кылаастар, атыы-эргиэн, туостан оҥоһуктарга блиц-күрэх, тупсаҕай кэрэ көстүүлээх сахалыы таҥастаах флеш-моб үҥкүү, «Быһар Быһах» сахалыы быһахха көрдөрүү күрэх ыытыллан, тэрээһин ырыа-тойук аргыстаах, өрө көтөҕүллүүлээхтик ааста.

Уус Алдан улууһуттан норуот маастардара, ыҥырыылаах ыалдьыттар туостан оҥоһуктарга, кыбытан-аттаран тигиигэ маастар-кылаастары ыыттылар.

«Симэх» национальнай киин выставочнай салаатын салайааччыта Анна Капустина уонна уус-уран оҥоһуктарын сайдыытын салаатын салайааччыта Дмитрий Осипов дьүүллүүр сүбэнэн үлэлээтилэр.

143

Добавить комментарий

Ваш адрес email не будет опубликован. Обязательные поля помечены *