Национальный день Олонхо

25 ноября, 2020 Simekh

Былыргы былдьаһыктаах дьыллар урукку уорҕаларыттан,
Урукку охсуһуулаах кэмнэр аннараа өттүлэриттэн,
Аҕыс иилээх-саҕалаах,
Атааннаах-мөҥүөннээх,
Орто дойдуга, Айыллан үөскээбит киһи-аймах үйэлээх чулуу айымньыта улуу Олоҥхо өрөгөйдөөх күнүнэн Тарбаҕар талааннаах, кыраҕы харахтаах, булугас өйдөөх уран уустары, кэрэни айар талааннаах бар дьоммутун Саха Өрөспүүбүлүкэтин
“Симэх” норуот искусствотын уонна уус-уран оҥоһуктарын Национальнай Киинин аатыттан нохтоллоох сүрэхтэн Уруй-туску!
Айхал-мичил буолуохтун!
Үс саха үтүө үгэстэрин үйэтитэ,
Түөрт саха төрүт дьарыгын салҕааҥҥыт,
Эһиги диэтэх дьон
Харах халтарыйар,
Санаа манньыйар,
Үйэлээх айымньыларын айа-тута турун, уһанса турун!,
Илиигит сылааһынан,
Сүрэххит баҕатынан
Бар дьоҥҥутугар өссө да хатыламмат кэрэттэн кэрэ үлэлэри айа турун!!!
Ситэри буолун, бүтүн оҥорууланын,
Баҕа санааҕыт барҕара сайыннын, Ыра санааҕыт ыпса турдун,
Ил-эйэ эҥэрдэниҥ,
Саргы-Дьаалы салаллыннын,
Дьол-соргу тосхойдун!