Симэх

Национальный центр народного прикладного искусства и художественных промыслов

Новости

Саха Өрөспүүбүлүкэтин Ил Дарханын истипиэндьийэлэрин норуот маастардарыгар туоһу суругун туттарыы үөрүүлээх сиэрэ-туома буолан ааста

Сэтинньи 23 күнүгэр төрүт үгэспитин илдьэ сылдьааччыларга, тилиннэриигэ, үйэтитиигэ, сайыннарыыга уонна дьоҥҥо-сэргэҕэ тарҕатыыга өҥөлөрүн, өрөспүүбүлүкэбит олоҕор-дьаһаҕар көхтөөх кыттыыларын, оҕону уонна эдэр ыччаты сайыннарыыга кылааттарын иһин – Саха Өрөспүүбүлүкэтин Ил Дарханын истипиэндьийэлэрин олоҥхоһуттарга, оһуохай этээччилэргэ, тимир уустарыгар уонна норуот маастардарыгар туоһу суругун туттарыы үөрүүлээх сиэрэ-туома буолан ааста.

2023 сыл — Арассыыйаҕа педагог уонна уһуйааччы сылын чэрчитинэн, Арассыыйа президенэ Владимир Владимрович Путин 384 нүөмэрдээх Ыйааҕын «Арассыыйаҕа норуот уус уран оҥоһуктарын күнүн» өйөөн Саха Өрөспүүбүлүкэтин Ил Дархана Айсен Сергеевич Николаев бэс ыйын 17 күнүгэр 7 норуот маастардарыгар истипиэндьийэ аныыр Ыйааҕа тахсыбыта.

Саханы саха дэтэр, кэскиллээҕи кэрэһэлиир, үтүөнү үксэтэр, кэрэни кэрэхсэтэр тыйыс тымныылаах Сахабыт сирин таҥнар таҥаһын, иһитин-хомуоһун, оһуорун-мандарын, туттар сэбин сэбиргэлин айан-тутан таһааран Аар Саарга аатырдыбыт, киэҥ Арассыыйа киэлитигэр биллэрбит талааннаах уран тарбахтаах дьоммутун сэргэбитин бэлиэтээн 7 норуот маастардарыгар истипиэндьийэ ананна:
 
1) БОРИСОВ Пантелеймон Михайловичка, Үөһээ Бүлүү улууһа;
2) ВАСИЛЬЕВА Варвара Тихоновнаҕа, Уус Алдан улууһа;
3) ЕГОРОВ Петр Петрович, Мэҥэ Хаҥалас улууһа;
4) МАРКОВ Федор Иванович, Дьокуускай куорат;
5) САВВИНОВ Владимир Ивановичка, Ньурба улууһа;
6) СЕДАЛИЩЕВА Ольга Егоровнаҕа, Чурапчы улууһа;
7) СЕРГЕЕВА Анна Федоровнаҕа, Өлөөн улууһа.

Тимир уустарыгар истипиэндьийэ ананна:
 
1) БИЛЮКИН Сарыал Константиновичка, Таатта улууһа;
2) БОРИСОВ Устин Николаевичка, Мэҥэ Хаҥалас улууһа;
3) ЛУКОВЦЕВ Петр Аркадьевичка, Таатта улууһа;
4) СКРЯБИН Алексей Петровичка, Амма улууһа;
5) ФЕДОРОВ Егор Петровичка, Бүлүү улууһа;
6) ЧЕМЧОЕВ Реворий Гаврильевичка, Бүлүү улууһа.

Саха Өрөспүүбүлүкэтин култуураҕа уонна духуобунай сайдыыга министиэристибэтин миниистиригэр Афанасий Иванович Ноевка, социокултуурунай үлэ уонна олохтоох салайыныы тэрилтэлэрин кытта үлэлэһэр салаа салайааччытын Вера Афанасьевна Моисееваҕа, сүрүн специалиһыгар Евгений Владимирович Ефимовка норуот маастардарыгар өйөбүлгүт, көмөҕүт, кыһамньыгыт иһин барҕа махталбытын тиэрдэбит.

Ытыктыыр, киэн туттар дьоммутун итиитик-истиҥник эҕэрдэлиибит! Өссө даҕаны кэлэр кэнчээри ыччаппытыгар үтүө холобур буола турун!

229

Добавить комментарий

Ваш адрес email не будет опубликован. Обязательные поля помечены *