«Оһуор-иис умсулҕаннаах абылаҥа»

13 мая, 2025 Simekh

Ыам ыйын 12 күнүгэр «Симэх» Национальнай киинигэр Саха Өрөспүүбүлүкэтин уус-уран оҥоһуктарын маастара Луиза Анатольевна Прибылых айар быыстапкатын үөрүүлээх тэрээһинэ буолла.

Быыстапка арыллыытын Луиза Анатольевна дьиэ кэргэнэ, аймахтара, чугас доҕотторо, биир үөлээннээхтэрэ – кэлэн үөрүүлээх түгэни, маанылаах ыалдьыт буолан үллэстэн бардылар.

Луиза Анатольевна Амма улууһуттан төрүттээх, Саха Өрөспүүбүлүкэтин норуот уус-уран оҥоһуктарын маастара, Сайсаар уокурук биир актыыбынай олохтооҕо, дьахтар сэбиэтин чилиэнэ. Иэйиитин, күүһүн, кыаҕын киллэрэн туран балысхан сайдыылаах аныгы үйэҕэ былыр олорон ааспыт өбүгэлэрбит тутта сылдьыбыт малларын сөргүтээччитинэн, утуму салҕааччынан биирдэстэрэ буолар. Ол курдук аан дойду таһымнаах күрэхтэр, быыстапкалар, бэстибээллэр кыттыылааҕа, Арасыыйскай бэстибээл биһирэбилин ылан, икки үлэтэ «Лоскутная мозаика России» каталогар киирэн турар.

Маастар айар быыстапкатыгар норуот уус-уран оҥоһуктарын араас көрүҥнэриттэн оҥоһуктар турдулар, хабахтан суумкалар, паннолар, кус түүтүттэн тарбах куукулалар, валяниенан оҥоһуллубут кэрэ хартыыналар, сиэдэрэй симэхтээх таҥастар уо.д.а.

Айар быыстапка ыам ыйын 21 күнүгэр дылы туруоҕа. Быыстапка кэмигэр араас көрүҥҥэ маастар-кылаастар, «Күргэл» инклюзивнай айар түмсүү бэйэ дьарыктаах буолууга суолтатын туһунан төгүрүк остуол ыытыллыахтара.

Быыстапка тосхоло:

⚜️Ыам ыйын 14 күнүгэр күнүс 11.00ч. Төгүрүк остуол «Күргэ» инклюзивнай айар түмсүү бэйэ дьарыктаах буолууга суолтата. Максимова А.Ф.

⚜️Ыам ыйын 21 күнүгэр күнүс 14.00ч. быыстапканы сабыы.

МААСТАР КЫЛААС тосхоло:

✂️ 13.05

14.00ч. Кус баттаҕын таҥастааһын. Оҥоһук оҥоруута. Маастар Прибылых Л.А. (Сыаната: 600 с.) тел: 89143003258☎️

✂️ 15.05.

14.00ч. Сүөһү хабаҕын таҥастааһын, имитии, киэргэтии. Маастар Шишигина Т.Н.

(Матырыйаалынан хааччыйабыт. Сыаната 1000 с.) тел: 89142917473☎️

✂️ 16.05

14.00ч. Туостан салама киэргэллэрэ. Маастар Саввина Л.С. (Матырыйаалынан хааччыйабыт. Сыаната 800 с.) тел: 89244208553☎️

✂️ 19.05