Саха сирин араас муннуктарыттан биир сиргэ сымса тарбахтардаах, киэҥ сатабыллаах өрөспүүбүлүкэ биллиилээх маастардара муһуннулар
Быйыл маҥнайгы тэрээһиҥҥэ 600 тахса киһи 25 оройуонтан уонна 3 үөрэх тэрилтэтиттэн кэлбит. Ол үрдүнэн 60 тахса маастар бэйэ үлэтин атыыга туруорар.
Хас биирдии улуус бэйэтин туспа уратытын оҥоһуктарын нөҥүө көрдөрдө, дьоҥҥо биллэрдэ.
Холобур, Эбээн Бытантай улууһуттан ыалдьыттыы кэлбит Мария Ивановна Аммосова «Якутия Мастеровая» быыстапкаҕа аан бастакытын кытта кэлбит. Бэйэтэ туох баар чубуку муоһунан, таба уҥуоҕунан, туйаҕынан, муоһунан музыкальнай инструменнары оҥорон дьарыгырар.
«Маннык быыстапкаларга сылдьар наһаа үчүгэй эбит, наһаа астынным» — диэн Мария Аммосова бэйэ санаатын эттэ.
Эбии эптэххэ, Алдан оройуонун Томмот куоратыттан эбэҥки этноцентрын делегациятын представителэ Леонид Дмитриевич Солкин, норуот уус-уран оноьуктарын маастара 10 сыл устата тимир ууһунан дьарыгырар, «Якутия мастеровая» диэн быыстапкаҕа үһүс сылын кытта сылдьар. Маҥнайгы тэрээһин туһунан олус үчүгэй диэн тус санаатын эттэ, туох да буолтун иһин наадалаах. «Бэйэм аныгыс оҥоһуктарбар наада буолуо дии саныыр хайысхалары көрөбүн. Миигиттээҕэр элбэх опыттаах маастардар үлэлэрин көрөн хайдах оҥорбуттарын игин туһунан ыйытар кыахтаахпын. Мин санаабар, маастар судьуйаттан үлэбин ордук сыаналыа, тоҕо диэтэххэ ханна тугу көннөрөрбүн этэн биэриэ» — диэн Леонид Солкин бэйэтэ хайдах саныырын эттэ.
Автор: Кюннэй Аар
