Симэх

Национальный центр народного прикладного искусства и художественных промыслов

Новости

Саха туоһун тойуга

Муус устар 4 күнүгэр Уус–Алдан улууһун Бороҕон нэһилиэгэр Саха Өрөспүүбүлүкэтин норуотун маастара Екатерина Ивановна Колодезникова сырдык аатыгар анаан «Саха туоһун тойуга» аһаҕас республикатааҕы туос фестивала ыытылла турар. Фестивальга Амматтан, Тааттаттан, Намтан, Дьокуускайтан, Уус-Алдантан барыта 26 киһи кыттыыны ылаллар. Тэрийээччилэр Уус-Алдан улууһа муниципальнай оройуон дьаһалтата, Уус-Алдан улууһун культураҕа упралениета, Екатерина Ивановна Колодезникова оҕолоро, аймахтара, Саха Өрөспүүбүлүкэтин «Симэх» норуот искусствотын уонна уус-уран оҥоһуктарын Национальнай Киинэ.

Фестиваль Екатерина Ивановна Колодезникова олоҕор уонна айар үлэтигэр анаммыт хаартыска-быыстапкатын аһылыытыттан саҕаланна. В.В.Никифоров-Күлүмнүүр аатынан культура дыбарыаһыгар фестиваль үөрүүлээх аһылллыытыгар Уус-Алдан улууһа муниципальнай оройуон баһылыга Федотов А.В, Уус-Алдан улууһун культураҕа упралениетын начальнига Аммосов И.И, Саха Өрөспүүбүлүкэтин «Симэх» норуот искусствотын уонна уус-уран оҥоһуктарын Национальнай Киинин уус-уран оҥоһуктарга салаатын салайааччыта Осипов Д.К, Екатерина Ивановна оҕолоро, аймахтара эҕэрдэ тылларын эттилэр, фестиваль кыттыылаахтарыгар ситиһиилэри анаатылар.
Фестиваль түөрт түһүмэҕинэн ыытылла турар. Бастакы түһүмэххэ кыттааччылар түмсүүлэрин үлэтин, сыалын-соругун билиһиннэрдилэр. Түмсүүлэр быыстапкаларын сыаналааһын ыытылынна. Ситии хатыытыгар, ыаҕайа иитин тигиитигэр күрэхтэр ыытылла тураллар.

Дьүүллүүр сүбэҕэ үлэлииллэр:

1.Осипов Дмитрий Константинович. Саха Өрөспүүбүлүкэтин «Симэх» норуот искусствотын уонна уус-уран оҥоһуктарын Национальнай Киинин уус-уран оҥоһуктарга салаатын салайааччыта–Бэрэссэдээтэл

2.Ильина Зинаида Егоровна Ньурба улууһун искусстов оскуолатын художественнай кылааһын преподавателэ, екатерина Ивановна балта

3.Васильева Варвара Тихоновна, Саха Өрөспүүбүлүкэтин нруотун маастара

4.Гуляева Дария Васильевна. Саха Өрөспүүбүлүкэтин «Симэх» норуот искусствотын уонна уус-уран оҥоһуктарын Национальнай Киинин эталоннай оҥоһуктарын фондатын методиһа

5.Бурнашева Параскевья Петровна, Таатта улууһун Баайааҕа нэһилиэгин «Мандар уус айылгы, айымньы» киинин салайааччыта, Саха Өрөспүүбүлүкэтин уус-уран оҥоһуктарга норуотун маастара

720

Добавить комментарий

Ваш адрес email не будет опубликован. Обязательные поля помечены *