Тамара Прокопьевна Степанова
«Симэх» норуот искусствотын уонна уус-уран оҥоһуктарын Национальнай Киинэ бу дьыл сэтинньи 23 күнүгэр уһун ыарахан ыарыыттан Бүлүү улууһун культуратын управлениетын специалиһа Тамара Прокопьевна Степанова күн сириттэн букатыннаахтык күрэммитинэн дириҥ кутурҕанын тириэрдэр.
Тамара Прокопьевна ис сүрэҕиттэн кыһаллан туран күүһэ-кыаҕа кыайарынан Бүлүү улууһун норуотун маастардарын үлэлэрин сырдатыыга, үйэтитиигэ хонноохтук, киэҥ далааһыннаахтык уонна айымньылаахтык үлэлээбитэ. Туох-баар билиитин, көрүүтүн, сатабылын ууран туран.
Кини тэрээһининэн уонна даньыардаах үлэтин түмүгүнэн диэххэ наада Бүлүү улууһугар 2021 сылга «Дом ремесел» аһыллыбыта. Бүлүү улууһун маастардарын айар түмсүүлэрэ өрөспүүбүлүкэ, Россия, аан дойду таһымнаах быыстапкаларга, фестивалларга, көрүүлэргэ көхтөөхтүк кытталларын ситиспитэ.
Төһө да ыарахан ыарыы ытарчатыгар ыллара да сырыттар үлэтин ис хоһоонун, ханна туох тэрээһин буолуохтааҕын, ханнык быыстапкаларга кимнээх кыттыахтаахтарын былаанныы, торумнуу сылдьара, инники сайдар саҕахтары арыйар тэрээһиннэри былаанныыра. Хайаан да үчүгэй буолуом диирэ. Хомойуох иһин кытаанах төлөрүйбэт ыарыы биһиги ортобутуттан киһи үтүөтүн, тапталлаах кэргэни, күн күбэй ийэни, идэтигэр бэриниилээх үлэһити илдьэ барда.
«Симэх» норуот искусствотын уонна уус-уран оҥоһуктарын Национальнай Киинэ дириҥ кутурҕанын кэргэнигэр, оҕолоругар, чугас дьонугар, аймахтарыгар. Бүлүү улууһун маастардарыгар тириэрдэр. Тамара Прокопьевна туһунан сырдык өйдөбүл биһиги сүрэхпитигэр өрүү тыыннаах буолуоҕа…
«Симэх» Национальнай Киин коллектива
Быдан дьылларга быраьаай