Чурапчы улууһугар Өрөспүүбүлүкэтээҕи «Туой сырдык сыдьаайа» семинар-практикум
Олунньу 24 күнүгэр «Туой сырдык сыдьаайа» Өрөспүүбүлүкэтээҕи семинар-практикум Чурапчы улууһун Төлөй нэһилиэгин А.С. Бродников аатынан норуот айымньытын дьиэтигэр буолан ааста.
Семинар-практикум арыллыытыгар «Туналы» үҥкүү бөлөҕө сал. Капрынова М.П., Төлөй орто оскуолатын хоһоонньуттарын бөлөҕө сал. Аммосова М.И. уонна «Өбүгэ ситимэ» куруһуок кыттыылаахтара улахан дьон, уонна оҕолор бука бары кыттыыны ыллылар.
Бу тэрээһини иилэн-са5алаах тэрийбит Наталья Егоровна Гуляева «Талба» дьахталлар түмсүүлэрин салайааччыта, туойу таһынан уруһуй, валяние көрүҥнэригэр нэһилиэнньэни дьарыктыыр. «Өбүгэ ситимэ» түмсүүнү 2022 сыллаахтан үлэлэтэр. Төлөйдөөҕү А.С. Бродников аатынан «Аартык» норуот айымньытын дьиэтин аттыгар 2023 сыллаахха ититиилээх балаҕан арыллан онно мастерскойданан олороллор. 35 улахан киһи, 40 оҕо дьарыктанар. Балаҕан күн аайы өрөбүлэ үлэлиир. Семинары опыт ылар санааттан уонна саҕалаан үлэлиир дьоҥҥо сөптөөх хайысханан дьарыктанарга сүбэ-ама наада диэн санааттан ыыттылар.
Тэрээһиҥҥэ кыттыыны ыллылар Саха Өрөспүүбүлүкэтин бастыҥ туойдьуттара, уһуйааччылара, норуот уус-уран оҥоһуктарын, искусство эйгэтин үлэһиттэрэ:
Тагров Василий Николаевич «Якутский научный центр Сибирского отделения Российской академии наук» Физико-техническай институтут сүрүннүүр инженера, Гуляева Мария Николаевна- Туойа керамист — художник,Бүтүн Россия худуоһунньуктарын сойууһун чилиэнэ, үрдүк категориялаах педагог, СӨ искусствотын үтүөлээх деятеля, Колодезников Дмитрий Николаевич “Симэх” норуот уус-уран оҥоһуктарын киинин сүрүннүүр специалиһа, СӨ культуратын туйгуна, СӨ норуотун маастара, Захаров Афанасий Афанасьевич Андрей Андреевич Саввин аатынан Чурапчытааҕы история уонна этнография түмэлин дириэктэрэ, Сметанина Ирина Николаевна СӨ уус-уран оҥоһуктарын маастара, СӨ үөрэҕириитин туйгуна, итиллээччитэ Еремеев Айархаан Бүтүн Арассыыйатааҕы «НАЦИОНАЛЬНОЕ ДОСТОЯНИЕ РОССИИ» талааннаах эдэр ыччат конкурсун кыайыылааҕа, Дьокуускай куорат подростковай центрын старшай педагога, «Күнчээнэ» керамическай мастерской салайааччыта. Екечьямов Прокопий Алексевич СӨ уус-уран оҥоһуктарын маастара, СӨ культуратын туйгуна, А.П. Гоголев аатынан Чурапчытааҕы оҕо искусствотын оскуолатын үрдүкү категориялаах преподавателя, Пинигина Лена Васильевна Ф.И. Авдеева аатынан О5о дыбарыаһын эбии үөрэхтээһин педагога, Гуляев Петр Егорович Чурапчы улууһун культуратын салаатын салайааччыта, Жиркова Ольга Ивановна Өрөспүүбүлүкэтээҕи норуот айымньытын дьиэтин декоративно- прикладной көрүҥнэрин кытары үлэҕэ специалиһа, Никанорова Наталия Дмитриевна СӨ култууратын туйгуна, Саха АССР норуодунай артыыһа А.Е. Ефремов аатынан култуура дьиэтин уус-уран салайааччылаах Мэҥэ-Хаҥалас Наахара делегацията, Евдокия Ивановна Сартаева Тааттатааҕы «Сатабыл» Оҕо Айымньытын Дьиэтин старшай методиһа, Россия үөрэхтээһинин бочуоттаах үлэһитэ, СӨ үөрэхтээһинин туйгуна, «Эбии үөрэхтээһин сайдыыта» бэлиэ хаһаайына салайааччылаах Таатта улууһун делегацията.
«Туой сырдык сыдьаайа» Өрөспүүбүлүкэтээҕи семинар-практикум кыттыылаа5а Пинигина Л.В. санаата:
Мин Пинигина Лена Васильевна эбии уерэхтээьин уьуйааччыта «Туой сырдык сыдьаайа» республикатаагы семинарга сылдьан дуоьуйан кэллим. Бу Телей нэьилиэгэ сэргэх дьонноро сехтердулэр, ордук бу Наталья Егоровна санаатын кууьунэн, ба5атынан тэриллибит туойдьуттар тумсуулэрин тогурук остуола элбэх билиибин кэнэттэ, ханатта. Чуолаан Мария Николаевна Гуляева ходуоьуннук- керамист субэлэрэ, Дмитрий Колодезников Симэх главнай специалиьа, Василий Николаевич Тагров ученай септеех хоруйдара ессе инники улэбэр туьалаах буолуохтара диэн эрэнэбин. Бу кыра нэьилиэги салайан олорор Игорь Владимирович сепке дьаьанан олороро сехтерде. Инникитин бу сана сагалааьын кэскиллээгэр эрэнэбин! Багарабын Наталья Егоровна салалталаах туойу таптааччылар ессе да кэрэни кэрэхсээн айа-тута турдуннар.
