Симэх

Национальный центр народного прикладного искусства и художественных промыслов

Новости

Төрүт үгэс сайдыытыгар – 2 мөллүйүөн!

Муус устар 2 күнүгэр Мэҥэ-Хаҥалас улууһугар “МЭҤЭ УУС-2024” норуот айар талааннаахтарын күнүн бэлиэтиир үөрүүлээх тэрээһинэ буолан ааста.

Үгэс буолбут “Мэҥэ Уус” норуот маастардарын, айар талааннаахтарын күнүн бэлиэтиир үөрүүлээх түһүлгэ5э улуус бары нэһилиэктэрэ кыттыылаах аҕыс хайысхаҕа быыстапка-дьаарбаҥкаҕа турда, Саха Сиригэр Оҕо саас сылынан Мэҥэ Хаҥалас улууһун үөрэнээччилэрин “Оһуор мандар түһүлгэ” уус-уран быыстапкалара бар дьон көрүүтүгэр турда. “Мэҥэ Уус” улуус айар талааннаахтарын түһүлгэтин Дьокуускайдааҕы художественнай училище (колледж), Дьокуускайдааҕы “Айар Уустар” технология уонна дизайн колледжа кыттыыны ыланнар быыстапка-дьаарбаҥка тэрээһинин киэргэттилэр. Саха төрүт дьарыктарын, төрүт үгэстэрин сайыннарар, тарҕатар сыаллаах уус-уран оҥоһуктары көрүү үтүө түмүктэринэн буолар, Мэҥэ-Хаҥалас улууһун дьонун – сэргэтин дьоҕурдарын сайыннаран, дьарыктаах буолалларын ситиһии.

“Мэҥэ Уус” Мэҥэ-Хаҥалас улууһун айар талааннаахтарын үлэлэрэ-хамнастара таһаарыылаах буоларын туһугар, саха төрүт олоҕун-дьаһаҕын, төрүт үгэстэрин сайыннарар, тарҕатар маастардарга анаан 2 000 000 солкуобайдаах сертификаты Мэҥэ-Хаҥалас улууһун салалтата “Мэҥэ Уус” норуот айар талааннаахтарын түмсүүтүгэр туттарда.

Мэҥэ Хаҥалас улууһа муниципальнай оройуон дьаһалтатын Бочуотунай грамотатынан наҕараадаланнылар:
– Васильева Анастасия Харитоновна – Мэҥэ Хаҥалас улууһун сатабыллаах маастара, 2-с Наахара тыа сирин түөлбэтин “Оһуор түһүлгэтэ” түмсүү салайааччыта;
– Иванова Саргылана Иннокентьевна – Саха Өрөспүүбүлүкэтин уус уран оҥоһуктарын маастара, Дьаҥхаады тыа сирин түөлбэтин «Ситии» түмсүү салайааччыта;
– Егорова Валентина Владимировна – Майа сэлиэнньэтэ тыа сирин түөлбэтин «Туойаана» керамическай мастерской туой оҥоһуктарын маастара.

Мэҥэ Хаҥалас улууһа муниципальнай оройуон дьаһалтатын Махтал Суруга туттарылынна:
– Неустроева Татьяна Власьевнаҕа, Дьанхаады нэһилиэгэ тыа сирин түөлбэтин ювелир маастарыгар;
– Шарин Радион Викторовичка, Мэлдьэхси нэһилиэгэ тыа сирин түөлбэтин тимир ууһугар;
– Судико Валерия Вагановнаҕа, Мэҥэ Хаҥалас улууһун «Кэрэли» оҕону эбии үөрэхтээһин киинин педагог маастарыгар, «Уран Майа» түмсүү иистэнньэҥэр.

«Саха Өрөспүүбүлүкэтин уус уран хайысхата сайдарыгар киллэрбит кылаатын иһин” бэлиэ туттарылынна:
– Иванова Саргылана Иннокентьевнаҕа, Саха өрөспүүбүлүкэтин уус уран оҥоһуктарын маастарыгар, Дьаҥхаады нэһилиэгэ тыа сирин түөлбэтин Ситии түмүсүү салайааччытыгар.

«Саха Өрөспүүбүлүкэтин норуотун маастара» аат туттарылынна:
– Габышев Руслан Прокопьевичка, Майа сэлиэнньэтэ, кыл кырымпаны Аан дойду таһымыгар таһаарбыт Мэҥэ Хаҥалас улууһун Дархан ууһугар;
– Баишев Елисей Андреевичка Төҥүлү нэһилиэгэ, Саха Өрөспүүбүлүкэтин уус уран оҥоһуктарын маастарыгар, тимир ууһугар;

«Саха Өрөспүүбүлүкэтин уус уран оҥоһуктарын маастара» анал бэлиэ туттарылынна:
– Маркова Марианна Викторовнаҕа, Мэҥэ Хаҥалас улууһун сатабыллаах маастарыгар, Тараҕай нэһилиэгэ тыа сирин түөлбэтэ «Утум» түмсүү салайааччытыгар;
– Лукина Лена Николаевнаҕа, Мэҥэ Хаҥалас улууһун сатабыллаах маастарыгар, Хаптаҕай нэһилиэгэ тыа сирин түөлбэтэ «Күөгэйэ» түмсүү салайааччытыгар.

Саха Өрөспүүбүлүкэтин «Симэх» норуот искусствотын уонна уус-уран оҥоҥуктарын киинин Бочуоттаах грамотата туттарылынна:
– Иванов Хрисанф Семеновичка, Мэҥэ Хаҥалас улууҥун сатабыллаах маастарыгар, Бүтэйдээх нэһилиэгэ тыа сирин түөлбэтин мас ууһугар;
– Говорова Аграфена Саввичнаҕа, Төҥүлү нэҺилиэгэ тыа сирин түөлбэтин кылтан-сиэлтэн өрүү сатабыллаах маастарыгар.

Саха Өрөспүүбүлүкэтин «Симэх» норуот искусствотын уонна уус-уран оҥоҥуктарын киинин Махтал суруктара туттарылыннылар:
– Ефимова Мария Владимировнаҕа – «Кэрэли» оҕону эбии үөрэхтээһин киинин педагог маастарыгар, кукольник маастарга;
– Куличкина Елизавета Егоровнаҕа, В.П.Ларионов аатынан Майа орто оскуолатын «Уһуйаан» түмсүү салайааччытыгар;
– Прокопий Прокопьевич Шестаковка, тирииттэн оңоһуктар маастардарыгар, Аллараа Бэстээх бөһүөлэгэ.

Оройуоннааҕы норуот айымньытын киинэ “Олоҥхо дьиэтэ” тэрийэр улуустааҕы “Өбүгэ таҥаһа” иистэнньэҥнэргэ аналлаах күрэх быйыл ахсыс төгүлүн, бастакытын „Кылаан кыптыый“ улуустааҕы блиц-күрэх, “Быһар быһах” ыытылынна. Саха Сиригэр Оҕо саас сылынан улуус үөрэнээччилэригэр ыытыллыбыт “Оһуор мандар түһүлгэ” уус-уран оҥоһуктарын быыстапкатын бастыҥ үлэлэрэ туран тэрээһиннэри киэргэттилэр.

“Симэх” национальнай киин аатыттан Мэҥэ-Хаҥалас улууһун маастардарын, култуура үлэһиттэрин үрдүк ситииһиигитинэн эҕэрдэлиибит!

71

Добавить комментарий

Ваш адрес email не будет опубликован. Обязательные поля помечены *