Улуу Кыайыы 80 сылыгар аналлаах «Илии сылааһынан Кыайыыны кынаттаан» быыстапка арылынна
20-с үйэ ынырык алдьархайа иккис Аан дойду сэриитэ биһиги норуоппутугар кээмэйэ биллибэт улахан эрэйи-муҥу кутурҕаны аҕалбыта. Ол онтон мөлүйүөнүнэн киһи – ийэлэр, огдооболор уонна тулаайахтар сүрэхтэрэ күн бүгүҥҥэ диэри ыарыыттан ньүөлүйэр. Кэм кэрдии аастаҕын ахсын ол тыйыс ыар сыллар биһигиттэн тэйдэр-тэйэн иһэллэр. Ол эрээри, эһэлэрбит, аҕаларбыт Советскай норуот бүттүүн хорсун быһыыта биһиги өйбүтүгэр-сүрэхпитигэр хаһан даҕаны өлбөөдүйүө суо5а.
Ыам ыйын 7 күнүгэр «Симэх» Национальнай киин Улуу Кыайыы 80 сылыгар аналлаах «Илии сылааһынан Кыайыыны кынаттаан» норуот уус-уран оҥоһуктарын быыстапкатын арыйда. Бу тэрээһин Саха сирин буойуттарыгар, кинилэр хорсун быһыыларыгар үйэлэргэ умнуллубат Албан ааттарыгар ананна. Быыстапкаҕа сүрүн болҕомтону үбүлүөйдээх Кыайыы темата ылар – сыахайтан саҕалаан сиэлтэн, муостан оҥоһуллубут айымньыларга тиийэ турдулар. Тэрээһиҥҥэ үлэ, тыыл бэтэрээннэрэ, Саха Өрөспүүбүлукэтин норуотун маастардара кыттыыны ыллылар.
Тэрээһин арыллыытыгар, «Симэх» национальнай киин, анал байыаннай дьайыы кыттыылаахтарыгар харысхал оҥоруутугар акция биллэрдэ. Бу акцияҕа ким баҕалаах ыам ыйын 18 күнүгэр дылы үлэтин туттарыан сөп. Күн бүгүн «Симэх» киин, «Сахабулт» маастардара, үлэһиттэрэ 100 тахса харысхал оҥорон туттардылар.
Норуот уус-уран оҥоһуктарын сайыннарыыга, тилиннэриигэ, тарҕатыыга кылаатын иһин «Саха Өрөспүүбүлүкэтин уус-уран оҥоһуктарын маастара» бэлиэнэн наҕараадаланна тыыл бэтэрээнэ, Уус-Алдан улууһун маастара Бубякина Евгения Петровнаҕа.
Улуу Кыайыы 80 сылынан «Симэх» национальнай киин Э5эрдэ суруга туттарыллынна:
- Большакова Елена Петровнаҕа – СӨ норуотун маастарыгар, СӨ бочуоттаах бэтэрээнигэр, үлэ бэтэрээнигэр, СӨ культуратын туйгунугар, «Аявру» клуб салайааччытыгар
- Бубякина Евгения Петровнаҕа – тыл бэтэрээнигэр, СӨ норуот уус-уран оҥоһуктарын маастарыгар
- Быканова Мария Николаевнаҕа – СӨ норуотун маастарыгар, СӨ культуратын туйгунугар, үлэ бэтэрээнигэр, Уус-Яна улууһун бочуоттаах олохтооҕор
- Васильева Валентина Петровнаҕа – СӨ норуот уус-уран оҥоһуктарын маастарыгар
- Васильева Варвара Тихоновнаҕа – СӨ норуотун маастарыгар, «Гражданскай килбиэн» бэлиэ хаһаайкатыгар, «Арчы», «Сайсары» түмсүү салайааччытыгар.
- Гоголев Александр Николаевичка – СӨ искусствотын үтүөлээх үлэһитигэр, СӨ норуотун худуоһунньыгар, СӨ норуотун маастарыгар, «Гражданскай килбиэн» бэлиэ хаһаайыныгар, СӨ Ил Дарханын «Удьуор Уус» бэлиэтин хаһаайына
- Гуляева Ольга Ивановнаҕа – СӨ норуотун маастарыгар, үлэ бэтэрээнигэр, «Гражданскай килбиэн» бэлиэ хаһаайкатыгар.
- Егорова Розалия Никитичнаҕа – СӨ норуотун маастарыгар, үлэ бэтэрээнигэр
- Орлова Харитина Тарасовнаҕа – СӨ норуот уус-уран оҥоһуктарын маастарыгар, педагогическэй үлэ бэтэрээнигэр, СӨ норуотун үөрэҕин туйгуна
- Пахомова Ирина Константиновнаҕа – СӨ норуотун маастарыгар, педагогическэй үлэ бэтэрээнигэр
- Петрова Евдокия Иннокентьевнаҕа – СӨ норуотун маастарыгар, үлэ бэтэрээнигэр
- Спиридонов Василий Ивановичка– СӨ норуотун маастарыгар, СӨ үөрэҕириитин туйгунугар, «Гражданскай килбиэн» бэлиэ хаһаайыныгар, СӨ Ил Дарханын «Удьуор Уус» бэлиэтин хаһаайына
- Телье Семен Викторовичка – СӨ култууратын үтүөлээх улэһитигэр, «Гражданскай килбиэн» бэлиэ хаһаайыныгар
Анал байыаннай дьайыы кыттыылаахтарыгар добровольческай үлэҕэ көхтөөх кыттыытын иһин «Симэх” национальнай киин Махтал суругунан наҕараадаланна Иванова Ксения Ивановна, СӨ норуотун маастара, «Доруобуйа» уонна «Уһун үйэ» студия салайааччыта, «Үһүс көлүөнэ оскуолатын» волонтера.
Бэтэрээн маастардарбытыгар, эйэлээх олоҕу тутуспут килбиэннээх улэһиттэргэ, геройдуу быһыыны көрдөрбүттэргэ сүгүруйэбит. Туругурдун Улуу Кыайыы, айхалланнын эйэлээх олох!
