Симэх

Национальный центр народного прикладного искусства и художественных промыслов

АнонсыНовости

“Уран уус түһүлгэтэ” быыстапка

Чурапчы нэһилиэгэ тэриллибитэ 375 сылларын чэрчитинэн ыытыллар Өрөспүүбүлүкэтээҕи ыһыахха
уустар, иистэнньэҥнэр икки ардыларыгар
“Уран уус түһүлгэтэ” быыстапка тосхоло

Буолар сирэ: Чурапчы улууһа, Чурапчы нэһилиэгэ,
Маҕаайы алааһа, Уус түһүлгэтэ;
Буолар кэмэ: 2023 сыл, бэс ыйын 17-18 күнэ;

Сыала-соруга: Саха норуотун уран уустарын оҥоһуктарын ыһыах дьонугар көрдөрүү, сахалыы төрүт-уус оҥоһуктары пропагандалааһын; Уран тарбахтаах маастардарга саҥа ааттары арыйыы, салгыы үлэлииллэригэр саҥа саҕахтары сайыннарыы, Саха сирин улуустарын, нэһилиэктэрин үйэлэргэ мунньуллубут үтүө үгэстэрин, оһуор-мандар уратытын, сиэдэрэй симэҕин тэнитии, тарҕатыы, эдэр көлүөнэ ыччакка тиэрдии; ыһыах ыалдьыттарыгар өйдөбүнньүк сувенирдары, уустар оҥоһуктарын атыылаһар-атыылыыр эйгэтин тэрийии.
Кыттааччылар: Саха сирин улуустарыттан, нэһилиэктэриттэн кэлбит уран тарбахтаахтар түмсүүлэрэ, биирдиилээн уустар, иистэнньэҥнэр.

Көрүҥнэрэ:
– тимир оноһук
– мас оҥоһук (иһит – хомуос, дьиэ тэрилэ)
– ат симэҕэ
– терүт иис (саха танаһа, симэх – киэргэл, дьиэ киэргэлэ)
– туой оноһук
– туос оҥоһук
– кыл – сиэл оҥоһук ( сөрүө, дэйбиир, сэлээппэ )
– муостан оноһук
– сыахай, сувенирнай оҥоһуктар

Тэрээһин ирдэбиллэрэ:
Оҥоһук этикетаһыгар –
1. Кыттааччы аата, ханнык нэһилиэктэн кыттара толору суруллар;
2. Айымньы аата, туох матырыйаалтан оңоһуллубута, сыла баар буолара ирдэниллэр, саҥа оҥоһук биһирэнэр, оноһук ахсаана хааччахтаммат;
3. Кыттыы иһин төлөбүр биирдии кыттааччыттан 500 солк.

Биһирэбил көрүҥнэрэ:
Быыстапка түмүгүнэн 1, 2, 3 степэннээх лауреат, 1, 2, 3 степэннээх дипломант суруктара туттарыллаллар. Хас биирдии кыттааччыга “Туоһу сурук” бэриллэр. Дьүүллүүр сүбэ быһаарыыта бүтэһиктээх.

Билсэр нуемэрдэргит: 89248711870 Дьячковская С.Д.
89141040099 Пинигина А.М.к

678

Добавить комментарий

Ваш адрес email не будет опубликован. Обязательные поля помечены *