Уус-уран оҥоһуктар быыстапкаларын күөн -күрэһин балаһыанньата. Олоҥхо Ыһыаҕа 2022
XV Олоҥхо ыһыаҕа
«ХОТУН БҮЛҮҮ ТУОНАТЫГАР – ОЛОҤХО ЫҺЫАҔА»
Саха АССР төрүттэммитэ 100 сылыгар аналлаах
«Сүллэр сөмүйэ сүллэрдээбит, дьаарай тарбах такайбыт, эриэккэс илии тикпит»
өрөспүүбүлүкэтээҕи уус-уран оҥоһуктар быыстапкаларын күөн -күрэстэрин балаһыанньата
Буолар күнэ-дьыла: Бэс ыйын 20-21 күнэ, 2022 сыл
Ыытыллар миэстэтэ: Үөһээ Бүлүү, ««Түгэхтэй» алааһа», “Уран” уус-уран оҥоһуктар павильоннара.
Бириэмэтэ: 10.00 ч.
14.30 – түһүлгэ арыллыыта;
Түмүгү таһаарыы; Бэс ыйын 21 күнэ, 17.00 ч.
Тэрийээччилэр:
– Олоҥхо уон сылын бэлэмнээн ыытар Саха Өрөспүүбүлүкэтин национальнай тэрийэр кэмитиэтэ;
– Саха Өрөспүүбүлүкэтин култуураҕа уонна духуобунай сайдыыга министиэристибэтэ;
– «Үөһээ Бүлүү улууһа (оройуона)» муниципальнай оройуон;
– Өрөспүүбүлүкэтээҕи Олоҥхо Ассоциацията;
– Өрөспүүбүлүкэтээҕи норуот айымньытын Дьиэтэ;
– Саха Өрөспүүбүлүкэтин норуот искусствотын уонна уус-уран оҥоһуктарын
«Симэх» национальнай Киинэ.
Сыала-соруга:
• Саха норуотун уран уус түһүлгэтин дьоҥҥо-сэргэҕэ көрдөрүү, сахалыы төрүт-уус оҥоһуктары үйэтитии, чөл хаалларыы, сайыннарыы, тарҕатыы, талыы.
• Өрөспүүбүлүкэ уран тарбахтаах маастардарыгар саҥа ааттары арыйыы
• Уран тарбахтаах уустар, иистэнньэҥнэр үрдүк таһымнаах оҥоһуктарын, оҥорор ньымаларын көрдөрүү.
Быыстапка-дьаарбаҥкаҕа кыттыыны ылаллар:
• 18-тан үөһэ саастаах дьон кыттар;
• Кыттааччы уус-уран оҥоһук ыйыллыбыт көрүҥнэринэн кыттыыны ылыан сөп.
Быыстапка көрүҥнэрэ (хайысхалара):
1. Туостан оҥоһуктар;
2. Кыл-сиэл оҥоһуктар;
3. «Олоҥхо дойдутун олохтоохторо» – сыахай күрэҕэ;
4. Сахалыы кыбытыктаах тигии;
5. Мастан кыһан оҥоһуктар;
Быыстапка- дьаарбаҥка ирдэбиллэрэ:
• Кыттааччы сахалыы таҥастаах буолара ирдэнэр
• Кыттааччы быыстапкатын көстүүлээхтик, сиэдэрэйдик киэргэтэрэ сыаналанар.
• Оҥоһук кылгас аннотацията (оҥоһук аата, туох матырыйаалтан оҥоһуллубута, хаһан оҥоһуллубут сыла баар буолара ирдэниллэр).
• Быыстапка-дьаарбаҥкаҕа өрөспүүбүлүкэҕэ ыытыллыбыт күрэхтэр кыайыылаахтара кытталлара биһирэнэр.
• Өрөспүүбүлүкэҕэ ыытыллыбыт Олоҥхо ыһыахтарын кыайыылаахтара саҥа үлэнэн кытталлара көҥүллэнэр.
Тэрээһин ирдэбиллэрэ:
• Кыттыы иһин төлөбүр 500 солк.
• Кыттааччы кэлэр-барар ороскуотун, аһылык ороскуотун бэйэтэ уйунар.
• Паспорт, СНИЛС, ИНН куопуйатын илдьэ кэлэрэ булгуччулаах.
• Кыттааччылар сайаапкаларын бэс ыйын 15 күнүгэр дылы simex20mail.ru электроннай аадырыска тиксэрэллэр.
• Сайаапкалар көрүү-күрэх бириэмэтигэр ылыллыбаттар.
• Күөн-күрэс балаһыанньатын rdnt.ykt.ru сайтка көрүөххүтүн сөп
Биһирэбил көрүннэрэ:
• Көрүҥнэринэн, I, II, III үрдэллэр олохтоноллор;
• Хас биирдии көрүҥҥэ 5-тэн итэҕэһэ суох АНАЛ ААТТАР иҥэриллэллэр;
• Хас биирдии кыттааччыга Олоҥхо Ыһыаҕын Туоһу суруга туттарыллар;
• Дьүүллүүр сүбэ быһаарыыта бүтэһиктээх.
Сүрүннээччилэр
• Жиркова Ольга Ивановна – 8-924-169-20-23
• Осипов Дмитрий Константинович-8-984-105-11-73
