В Центре «Симэх» открылась выставка Изольды Акимовой
Олунньу 14 күнүгэр Таатта улууьун норуотун маастара Изольда Акимова “Уһун үйэлэри уҥуордаан, ааспыт кэмнэр араҥаларын арыйан…” диэн айар быыстапкатын арыллыыта буолан ааста.
Арыллыы үөрүүлээх чааһыгар Чөркөөхтөн “Далбар” түмсүү норуот ырыатынан эҕэрдэлээтэ.
“Симэх” киин салайааччыта Александр Гоголев “Изольда Иннокентьевна утумнааччы иистэнньэн” эбит диэн, эбээтин ахтан бэлиэтээтэ уонна “Cаха Өрөспүүбүлүкэтин норуотун маастара” анал бэлиэни туттарда.
“Таатта улууһа” МТ баһылыгын солбуйааччыта Сивцева И.А. “Таатта улууһун култуураҕа кылаатын иһин” бэлиэни, “Таатта нэһилиэгэ” МТ баһылыга Е.И.Павлов “Таатта нэһилиэгэр кылаатын иһин” бэлиэни туттардылар. Изольда Иннокентьевна Таатта улууһун дьонун барыларын саха таҥастаата д
Изольда Иннокеньтевна XIX үйэтээҕи дьахтар мааны соннорун, хороох дьабакатын сыныйан кэпсээтэ, көрдөрдө.
Далбар Хотуннар кэлбит ыалдьыттары айах тутан күндүлээтилэр.
Олунньу 15 күнүгэр Изольда Акимова хороох дьабака тигиитин кистэлэнин кэпсээтэ, СӨ уус-уран оҥоһуктарын маастара М.А.Сидорова иирээхтээх үтүлүгү тигии, тумустаах саары этэрбэстэри быһыы ньыматын көрдөрдө, СӨ норуотун маастара Ф.И.Чярин бууктаах соннор симэхтэрин мельхиортан оҥорууну көрдөрдө. Маастар кылааска Дьокуускай куораттан, Амматтан, Чурапчыттан кэлэн биир да тылы сыыска түһэрбэккэ сэргээн иһиттилэр, сүбэ-саргы ыллылар.
